Një 66-vjeçar është shpallur në kërkim nga Policia e Vlorës, pasi në banesën e tij në fshatin Treblovë u gjet një armë zjarri, kallashnikov dhe municion luftarak.
Nga kontrollet e kryera në të gjithë qarkun Vlorë, me qëllim goditjen e rasteve të armëmbajtjes pa leje, shërbimet e Policia Selenicë, në bashkëpunim me shërbimet operacionale Vlorë, kanë ndërhyrë në një banesë, ku kanë gjetur një kallashnikov dhe municion luftarak.
Si rezultat, u bë e mundur sekuestrimi i armës së zjarrit dhe i një sasie të konsiderueshme municioni luftarak.
Gjithashtu, Policia identifikoi dhe shpalli në kërkim poseduesin e kësaj arme, shtetasin P. B., 66 vjeç, banues në fshatin Treblovë. Vijon intensivisht puna për kapjen e tij.
Materialet proceduriale i kaluan Prokurorisë Vlorë, për veprime të mëtejshme.
