Vlorë- Nisja e sezonit shkollor është shoqëruar edhe me rritjen e kontrolleve për cilësinë ushqimore dhe subjektet afër shkollave që tregtojnë.
AKU njoftoi sot (10 Shtator) se ka nisur kontrolle në të gjitha ambientet me qëllim parandalimin rasteve abuzive dhe rrezikimit të shëndetit të konsumatorëve, e veçanërisht fëmijëve.
Kontrollet do të vijojnë përgjatë gjithë muajit shtator, ndërsa nëse do të vërehen problematika do të vijohet edhe me sanksione.
Kreu i AKU-t në Vlorë, Endri Hyseni, ka konfirmuar nisjen e kontrolleve edhe në bazë të një urdhri nga Drejtoria e Përgjithshme, ku qëllimi mbetet garantimi i sigurisë ushqimore.
Hyseni shpjegoi se në Vlorë do të jenë 6 grupe kontrolli, të cilat do të shtrihen në të gjitha bashkitë e qarkut.
Komento
Komente
