VLORË - Pronari i një lokali në Vlorë është gjobitur me 1.000.000 lekë për thyerjen e masave anti-COVID.
Gjatë kontrolleve të policisë, në lagjen "24 maji" është konstatuar një lokal i cili kishte organizuar një event me rastin e festave në kundërshtim me masat e vendosura.
Si pasojë është gjobitur pronari me iniciale R.R. me masën administrative 1.000.000 lekë.
Ndërkohë më herët gjatë ditës së sotme, policia njoftoi se janë gjobitur 523 qytetarë të cilët u konstatuan pa maska në rrugë. Gjithashtu u gjobitën dhe 13 persona të tjerë të cilët lëviznin pas orës 22:00.
Komento
