Sokol Sinomati, i njohur ndryshe si "Buzëderri", babai i të riut Gëzim Sinimati, i cili u ekzekutua me snajper në janar në Vlorë, atentat akoma i pazbardhur, është një nga personat që përfitoi nga amnistia penale, duke përfituar lirinë të mërkurën (24 prill). Burime për Report Tv bëjnë me dije se ai ka lënë qelinë e burgut të Fushë-Krujës një ditë më parë.
Por pak orë pas lirimit, burime bëjnë me dije se blutë e Vlorës e kanë arrestuar atë sapo ka hyrë në qytetin bregdetar. Sokol Sinomati ka qenë në shoqërinë e vëllait të tij.
Arrestimi është bërë për shkak se ndaj tij ka një vendim të drejtësisë italiane, që e ka dënuar me 12 vjet, 5 muaj e 26 ditë burgim, burg për organizatë kriminale e trafik ilegal emigrantësh.
'Ekzekutoi vendimin penal për shtetasin Sokol Sinomataj, 46 vjeç, të cilin Gjykata e Milanos, Itali, e ka dënuar me 12 vjet, 5 muaj e 26 ditë burgim, për veprat penale “Organizata kriminale” dhe “Trafik ilegal i emigrantëve”.'- njofton policia.
Burimet shprehen se urdhëri i drejtësisë italiane kishte pak kohë që ishte në dorë të policisë shqiptare, por nuk dihet pse nuk është ekzekutuar më përpara, ndërkohë Policia e Vlorës ka ndërhyrë pasi Sinomati është liruar.
Më shumë se 100 polic blinduan Vlorën, mesditën e 9 janarit, kur edhe varros djali i Sokol Sinomatit, për të garantuar sigurinë, pasi ky i fundit la burgun e Fushë-Krujës, për të përcjellë në banesën e fundit, të birin.
Sokol Sinomanti, i njohur ndryshe me nofkën ‘buzëderr’, ish pjesëtarë i bandës së Gaxhait gjatë trazirave të 97-s, i larguar nga Shqipëria në 2017-n, ndodhej në burg, pas arrestimit të tij në 2021 në Belgjikë, për çështje droge. Në fund të vitit 2022 ai u ekstradua në Tiranë, për një ngjarje në 2002-in në Skelë, ku i vrarë mbeti Elton Tato dhe u plagos Robert Boraku.
Komente
Cfar shteti qe nuk kalon ne filter me par te burgosurit. Kjo esht ber me qellim qe me par te perfitonte nga amistia sepse nese do e benin te ditur me mar atëherë nuk do e perfitonte amnistinë. Po tani duhet te kthej amnistinë mbrapsht ky.
PërgjigjuKa rregulla kooperativa or teeeejjjjj
Përgjigju