Kronikë

Vlorë/ Plagosi dy persona me thikë bashkë me vëllanë në rrugën Llogara-Palasë, arrestohet pas një viti 35-vjeçari nga Orikumi! (VIDEO)

29 Gusht, 13:22| Përditesimi: 29 Gusht, 13:40

  • Share

Vlorë- Një 35-vjeçar i shpallur në kërkim për tentativë për vrasje është arrestuar nga Policia e Vlorës gjatë një aksioni të befasishëm në Orikum. 

Operacioni është kryer nga strukturat e Sektorit për Hetimin e Krimeve të Rënda, në bashkëpunim me Seksionin Operacional Vlorë, bazuar në informacionet e siguruara në rrugë oprative.

I arrestuari është E. Ç., 35 vjeç, banues në Orikum. 

“Ky shtetas ishte shpallur në kërkim, pasi Gjykata e Shkallës së Parë e Juridiksionit të Përgjithshëm Vlorë, me vendimin e datës 3 mars 2025, i ka caktuar masën e sigurisë “srrest në burg”, për veprën penale “vrasja me dashje”, mbetur në tentativë”, bëri me dije policia.

I riu akuzohet se më datë 2 prill 2024, në aksin rrugor Llogara-Palasë, në bashkëpunim me vëllanë e tij A. Ç., ka goditur me mjet prerës (thikë), K. A., 41 vjeç, dhe S. A., 38 vjeç, gjatë një konflikti për motive të dobëta ndërmjet tyre.

Pas plagosjes, 35-vjeçari ka përplasur me automjetin e tij 41-vjeçarin, i cili është dëmtuar rëndë. Hetimet për këtë rast i kanë kaluar Prokurorisë, për veprime të mëtejshme.

A.Q/ReportTv.al
Komento

Komente

  • Sondazhi i ditës:

    Ku i kaluat pushimet verore?