Të shtëna me armë zjarri janë dëgjuar pasditen e sotme në zonën e Troportit në qytetin bregdetar të Vlorës.
Në ajër ka qëlluar një 26-vjeçar dhe nga të dhënat paraprake mësohet se janë dy persona që janë konfliktuar me njëri tjetrin.
Policia ka shkuar në vendin e ngjarjes, dhe falë reagimit në kohë bënë kapjen në flagrancë të E. Ç., 26 vjeç dhe F. Z., 26 vjeç, të dy banues në Vlorë.
Gjithashtu u sekuestrua dhe një armë zjarri pistoletë që e kishte shtetasi E. Ç., e cila dyshohet të jetë arma me të cilën ai ka qëlluar në ajër.
Në vendin e ngjarjes janë gjetur 3 gëzhoja. Grupi hetimor, nën drejtimin e Prokurorisë, po vijon veprimet për zbardhjen e rrethaneve të ngjarjes.
Foto nga vendi i ngjarjes
Njoftimi i policisë:
Qëlloi me armë zjarri në ajër, falë ndërhyrjes në kohë të Policisë kapet dhe vihet në pranga 26-vjeçari.
Sekuestrohet edhe arma e zjarrit pistoletë me të cilën dyshohet se ka qëlluar në ajër.
Shoqërohet në Polici edhe shoku i 26-vjeçarit që ishte me të.
Patrulla e Policisë Kufitare në Triport Vlorë, rreth orës 19:00, në afërsi të Triportit, ka dëgjuar të shtëna me armë zjarri dhe mejëherë ka kërkuar ndihmën e Policisë së Rendit.
Menjëherë në vendngjarje kanë shkuar shërbimet e Policisë Kufitare dhe Patrullat e Përgjithshme të Komisariatit të Policisë Vlorë, të cilat falë reagimit në kohë bënë kapjen në flagrancë të shtetasve E. Ç., 26 vjeç dhe F. Z., 26 vjeç, të dy banues në Vlorë.
Gjithashtu, në vijim të veprimeve u sekuestrua dhe një armë zjarri pistoletë që e kishte shtetasi E. Ç., e cila dyshohet të jetë arma me të cilën ai ka qëlluar në ajër.
Grupi hetimor, nën drejtimin e Prokurorisë, po vijon veprimet për zbardhjen e rrethaneve të ngjarjes.
