Policia e Vlorës ka arrestuar 27-vjeçarin Koldian Murati, pasi kundrejt parave po transportonte 33 emigrantë të paligjshëm me një automjet të tip furgon.
Në dalje të Bypass-it policia i kishte bërë shenjë për të ndaluar 27-vjeçarit i cili po drejtonte furgonin, por ai nuk iu bind urdhrit për të ndaluar, duke u larguar me shpejtësi.
Menjëherë policia u vu në ndjekje, ku disa metra më tutje gjeti furgonin e braktisur, ndërsa i riu ishte larguar.
Gjatë kontrollit u gjetën 33 emigrantë të paligjshëm nga vendet MENA, të cilët Klodian Murati po i transportonte kundrejt parave.
Pas disa orëve kërkim, u bë i mundur arrestimi i të riut, i cili u kap në zonën e Laprakës.
Gjatë kontrollit fizik atij iu gjet dhe iu sekuestrua në cilësinë e provës materiale, një sasi e dyshuar lënde narkotike e llojit kokainë.
Materialet procedurale i kaluan Prokurorisë pranë Gjykatës së Rrethit Gjyqësor Vlorë, për veprime të mëtejshme.
