Vlorë- Policia e Vlorës dhe ajo Rrugore hidhen në aksion për të ndëshkuar shoferët ‘rebelë’, me shoqërime të dyshuarish dhe masa administrative.
Sipas burimeve zyrtare, deri më tani janë shoqëruar disa persona dhe janë vendosur masa administrative për drejtues mjetesh që janë kapur nën efektin e alkoolit, ose pa dokumentacionin e nevojshëm.
Ky aksion u shoqërua edhe me pamje filmike të publikuara nga Policia, për ndëshkimin e shoferëve kundravajtës.
“Drejtoria Vendore e Policisë Vlorë, nën drejtimin e Drejtorit Elidon Çela, në bashkëpunim me Policinë Rrugore, ka ndërmarrë masa të shtuara për garantimin e rendit dhe qetësisë publike. Gjatë mbrëmjes së sotme, në hyrje dhe dalje të qytetit të Vlorës, forcat e rendit kanë zhvilluar kontrolle të befasishme, me fokus në mjetet me xhama të zinj, personat në kërkim dhe individët që dyshohet se lëvizin me armë pa leje”, thuhet në njoftimin zyrtar.
Policia sqaron se operacioni vijon me qëllim forcimin e sigurisë dhe parandalimin e aktiviteteve të paligjshme në qytet.
Komente
