Në vazhdën e operacionit policor “Sundimi i ligjit”, në kuadër të së cilës janë ngritur pika kontrolli në hyrje të autostradës së Vlorës, forcat operacionale kanë vënë në pranga një 38-vjeçar, i cili hodhi nga automjeti që drejtonte, pistoletën që mbante me vete, sapo pa shërbimet e Policisë.
Në pranga ka rënë Enron Konomit (Daupi), i cili sipas policisë hodhi nga automjeti që drejtonte, pistoletën që mbante me vete, sapo pa shërbimet e Policisë.
"Shërbimet e Policisë, bazuar dhe në inteligjencën informative, kanë lokalizuar në lagjen “Isa Boletini”, automjetin tip “Fiat” që drejtohej nga Enron Konomi dhe janë vënë në ndjekje të tij. Drejtuesi i automjetit, sapo ka vënë re se po ndiqej nga Policia, ka tentuar të largohet me shpejtësi dhe ka hedhur nga automjeti, një armë zjarri pistoletë me fishekë në të, të cilën e posedonte pa leje, por pas disa minutash ndjekje është kapur dhe prangosur nga Policia, informoi sot policia e Vlorës.
Armën e zjarrit pistoletë së bashku me fishekët dhe automjetin, u sekuestruan në cilësinë e provës materiale.
Ndërsa materialet procedurale i kaluan Prokurorisë Vlorë, për veprime të mëtejshme.
