VLORË- Një sherr me thika është regjistruar këtë mbrëmje në qytetin e Vlorës, ku për pasojë tre persona kanë mbetur të lënduar. Ngjarja është regjistruar rreth orës 20:40, në lagjen “Lef Sallata”, pranë shkollës “24 Maji” në një berberhane. Të plagosur kanë mbetur Mexhit Arapi, 40 vjeç, Ervis Sejko, 35 vjeç dhe Kevin Nuredini, 23 vjeç.
Autori i ngjarjes, Mexhit Arapi dyshohet se ka plagosur me thikë Ervis Sejkon dhe Kevin Nuredinin, dy punonjësit e berberhanes. Shkak i sherrit dyshohet se është bërë një konflikt i çastit. Autori ka tentuar të largohet, por është arrestuar nga Policia. Ai është dërguar për të marrë ndihmë mjekësore. Ndërkohë, edhe dy punonjësit e berberhanes ndodhen në spital nën kujdesin e mjekëve.
Grupi hetimor ndodhet në vendngjarje për zbardhjen e plotë të rrethanave të ngjarjes.
Komente
