VLORË- Një tjetër rast i shitjes së mallrave kontrabandë është goditur nga policia. Kësaj radhe bëhet fjalë për qytetin e Vlorës, ku në pranga ka rënë një 34-vjeçar, ndërsa është shpallur në kërkim bashkëpunëtorja e tij.
34-vjeçari dhe bashkëpunëtorja e tij fusnin veshje dhe çanta kontrabandë në vendin tonë dhe më pas i shisnin në pikat e pakicës, ndërsa nuk deklaronin e ardhurat. Veshjet dhe çantat e sekuestruara kapnin vlerën e 25 mijë eurove.
Malli kontrabandë është gjetur gjatë kontrollit që është ushtruar në banesën e 29-vjeçares E.B.
“Specialistët e Seksionit për Hetimin e Krimeve Ekonomiko-Financiare, në vijim të punës për parandalimin, evidentimin dhe goditjen e veprimtarive kriminale në fushën e kontrabandës së mallrave, pas 3 javësh hetime për një rast në këtë fushë, organizuan dhe finalizuan në bashkëpunim me Forcën e Posaçme Operacionale, operacionin policor të koduar "Tranzit".
Gjatë operacionit, shërbimet e Policisë kanë ushtruar kontroll në banesën e shtetases E. B., në lagjen “Uji i Ftohtë”, ku kanë gjetur dhe sekuestruar në cilësinë e provës materiale, veshje dhe çanta me vlerë 25 000 euro, pa fatura tatimore shoqëruese apo deklarata doganore për origjinën e tyre.
Nga veprimet hetimore ka rezultuar se shtetasja E. B. bashkëpunonte me shtetasin A. L., për magazinimin e mallrave të dyshuara të kontrabanduara, të cilat i shitnin me pakicë në mënyrë të kundërligjshme”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
Komente
Po keto mallrat nga hyne apo bien nga qielii andej nga Vlora
Përgjigju