VLORE-Në gjykatën e shkallës së parë të Vlorës janë paraqitur mesditën e kësaj të hëne (16 dhjetor 2024) disa të arrestuar për shpërndarje të lëndëve narkotike kryesisht në afërsi të shkollave.
Të arrestuarit si pjesë e aksionit Tempulli 3 do të merren secili në pyetje pasi mbi ta rëndojnë akuza të ndryshme dhe për rrjedhojë ka pretenca të ndryshme nga Prokuroria.
Në Gjykatë përveç avokatëve mbrojtës ndodhen edhe familjarët e tyre . Vendimi pritet të merret në vijim teksa seanca gjyqësore do të zgjasë për shkak të numrit të lartë të personave të cilët do të njihen me masën e sigurisë.
Prokuroria kërkon për të gjithë arrest me burg ndërsa avokatët mbrojtës një masë më të lehtë sigurie, disa arrest shtëpie, të tjerë detyrim paraqitje.
Komento
Komente
