VLORË- Gjykata e Vlorës, ka vendosur të lirojë dy nga personat e arrestuar për ngjarjen e 10 majit 2019 të ndodhur në këtë qytet, ku Ines Hajrulla dhe disa shokë të tij, u tentuar të ekzekutohen me armë.
Dy të arrestuarit që kanë lënë qelinë janë Dejvison Serjani një menaxher klabi në Tiranë dhe Ardjan Ahmeti. Prej gati 8 muaj Serjani dhe Ahmeti kanë qëndruar të izoluar në burg, ndërkohë në datën 2 qershor 2020 gjykata e Vlorës, ka vendosur ti zbusë masën e sigurisë nga “arrest në burg” në “detyrim paraqitje”.
Ky vendim tashmë është apeluar nga prokuroria e Vlorës, duke kërkuar në Apel rikthimin në qeli të dy emrave, Dejvison Serjani dhe Ardjan Ahmeti. Momentalisht në burg për atentatin e Inez Hajrulla, janë 5 persona. Sipas policisë dhe prokurorisë së Vlorës, në këtë ngjarje kanë marë pjesë nëntë persona. Sipas hetimit ata janë Fatmir Hyseni, “Doqia”, Daut Elmazi, nipi i Armando Sulejmanit “Çipurit”, Igli Memaj, Gentian Dauti, Serxho Ademi, Albano Goxhaj, Dejvison Serjani, Ardjan Ahmeti dhe Xheladin Merko.
Në dosjen hetimore thuhet se:”…Fatmir Hyseni, Gentian Dauti dhe Igli Memaj, veprojnë në disa qytete si vrasës me pagesë. Hyseni ndodhet në kërkim ndërsa Igli Memaj ndodhej në një burg në Itali, ku po vuan një dënim tjetër. Menjëherë pas vuajtjes së dënimit Memaj do ekstradohet në Shqipëri, ku dhe do përballet me akuzat e ngritura nga prokuroria.
Inez Hajrulla
