TIRANË- Ashtu siç ishte paralajmëruar nga Gjendja Civile zyrat e ALEAT në disa qytete të vendit nuk do të oforjnë shërbimin e aplikimit për pasaporta dhe karta identiteti. Deri tani raportohet se në Vlorë dhe në Korçë vetëm po shpërndahen dokumentete e identifikimit dhe nuk po aplikohet për shkak të sistemit.
Që ditën e premte u njoftua se nuk do të punohej për shkak të bllokimit të sistemit për të forcuar sigurinë. Ndërkohë e njëjta situatë është edhe në zyrat e gjendjes civile.
Pas sulmit kibernetik ndaj sistemit "TIMS" nga qeveria e Iranit dhe sulmit tjetër kibernetik të ndodhur në korrik të këtij viti ku u goditën shërbimet 'onile', kjo ndërhyrje në shërbimin e Gjendjes Civile vjen për të rritur nivelin e sigurisë dhe për të garantuar në këtë mënyrë që shërbimi të jetë i pa ndërprerë edhe në rast se do të ishte pre e një sulmi të ngjashëm kibernetik siç ndodhi në sistemin "TIMS", apo dhe ndaj shërbimeve online.
