Në kuadër të operacionit “Plazhi i lirë”, Policia e Vlorës, në bashkëpunim me komisariatet në varësi, Policinë Bashkiake dhe Agjencinë Kombëtare të Bregdetit, po zhvillojnë kontrolle të përditshme për lirimin e hapësirave publike të destinuara si plazhe.
Gjatë kontrolleve të fundit, në Radhimë u lirua një hapësirë e zënë nga 24 çadra dhe shezlongë, të vendosura pa leje nga shtetasi O. R., 39 vjeç. Për këtë rast, ai u procedua penalisht për veprën penale “Pushtimi i tokës”. Po ashtu, çadrat dhe shezlongët u sekuestruan.
Kontrollet vijojnë pa ndërprerje në të gjithë vijën bregdetare të qarkut Vlorë.
Njoftimi i policisë:
Kontrolle të përditshme, në kuadër të operacionit “Plazhi i lirë”, për të liruar hapësirat e destinuara si plazhe publike.
Kontrollet, nga shërbimet e DVP Vlorë dhe shërbimet e komisariateve në varësi të saj, në bashkëpunim me Policinë Bashkiake dhe me Agjencinë Kombëtare të Bregdetit.
Si rezultat, u lirua një hapësirë në Radhimë, e zënë me 24 çadra dhe shezlongë, të vendosura pa lejen përkatëse.
Për këtë rast u procedua penalisht, për veprën penale “Pushtimi i tokës”, shtetasi O. R., 39 vjeç. Gjithashtu, u sekuestruan çadrat dhe shezlongët.
Kontrollet vijojnë pa ndërprerje, në të gjithë vijën bregdetare të qarkut.
Policia e Vlorës apelon për pronarët/administratorët e lokaleve që ushtrojnë aktivitet buzë vijës bregdetare, që të mos zënë hapësira publike në plazhe, pasi do të përballen me sanksionet penale dhe administrative që parashikon ligji.
Komente
