Këshilli Drejtues i Radio Televizionit Shqiptar vijoi sot procesin e zgjedhjes së Drejtorit të Përgjithshëm të RTSH-së. Por në mbledhjen e sotme anëtarët e Këshillit, në kundërshtim me ligjin për mediet audiovizive dhe të statutit të Radio Televizionit Shqiptar kryen një votim pa diskutuar kriteret qe plotëson ose jo secili kandidat!
Sipas juristëve kjo e minon procesin, pasi votohet kandidati me njohuri te kufizuara, pa vërtetuar CV e tij. Nga ana tjetër votimi konsiderohet i paligjshëm e për rrjedhojë i pavlefshëm sepse është lejuar të votojë një anëtar që gjendet jashtë shtetit, konkretisht në Vietnam, në një kohë që votimi ishte i fshehtë. Votimi online i këtij anëtari të Këshillit natyrisht zbuloi dhe sesi votoi ai prej Vietnamit.
Mjafton kjo paligjshmëri që i gjithë procesi të shpallet i pavlefshëm. RTSH thotë se Këshilli Drejtues mori vendimin që në fazën e dëgjesës të thirren kandidatët Jetmir Shpuza dhe Aurora Polo, kjo e fundit drejtoreshë në detyrë që prej dorëheqjes së Alfred Pezës.
Komente
