Lokali ku u vra Martin Bardhi në Rrëshen, 26 shtator 2023
Tre persona të tjerë kanë mbetur të plagosur nga të shtënat me armë që vranë Martin Bardhin në qendër të Rrëshenit.
Bëhet me dije se 3 të plagosurit janë dërguar në spitalin e Traumës për të marrë ndihmë mjekësore.
Burime për Report Tv mësojnë se është plagosur Ilir Bardhoku, 45 vjeç, ish-drejtor në bashkinë e Mirditës dhe Olti Gjini, 30 vjeç, pronar i një lokali, si dhe Indrit Bardhi, 42 vjeç.
Të njëjtat burime mësojnë se njëri është plagosur në gjoks, tjetri në shpinë dhe tjetri në krah. I plagosuri në kraharor është në gjendje më të rëndë për jetën. Të tre te plagosurit janë futur në sallën e operacionit.
‘Në vijim të informacionit të dhënë në lidhje me ngjarjen e ndodhur në Rrëshen, ku nga shtetas ende të paidentifikuar, u vra me armë zjarri shtetasi M. M. (B.)., ju informojmë se si pasojë e të shtënave, kanë mbetur të plagosur me armë zjarri, shtetasit I. B., I. B. dhe O. Gj., të cilët kanë qenë në afërsi të vendit ku ka ndodhur ngjarja dhe janë transportuar në spital, për të marrë ndihmën mjekësore.’- njofton policia.
Lajmi kryesor:
Vrasje për hakmarrje në Rrëshen, ekzekutohet 59 vjeçari që kishte dalë nga burgu! Në mars u arrestua për atentat ndaj nipit të Kastriot Reçit! Tre plagosen
M.Q.//ReportTv.al