TIRANË- Kur xhaxhai i arrestuar nga policia pas 14 orë ndjekje, qëlloi me çifte dy herë mbi nënën e saj, 8-vjeçarja ishte tre hapa larg. Dëgjoi krismën e armës dhe pa trupin e prindit shembur në tokë. Vendi u mbush me gjak dhe lagjja u alarmua nga britmat e grave. Është e gjitha çdo mbaj mend vajza e Jetmira Hasanit, viktima e krimit mbrëmë në Bathore. Sot vogëlushja nuk ndodhej në shtëpinë ku u rrit deri natën e ferrit. As gjyshja tashmë e mbyllur brenda mureve nuk e bindi dot. Dajat e morën më vete, aty ku dhe do ti japë nënës së saj lamtumirën e fundit.
Pas divorcit të Jetmirës, lidhja mes kunetërve ishte ftohur. Me kalimin e viteve shtëpia ku jetonin së bashku, u kthye në shkak i konflikteve të ashpra. Nga njëra anë 34- vjecarja një ish punëtore fasonerie, që këmbëngulte të rrinte në derën ku ishte futur nuse dhe po rriste vajzën.
Nga ana tjetër 31-vjecari Agroni Tanushi, një i papunë i martuar, xhaxhai i 8 vjecares, babai i së cilës kishte hequr dorë nga martesa, duke shpallur divorcin 4 vite më parë dhe që prej shumë kohësh ndodhet emigrant në Greqi. Një nënë e re që s'ka ku të shkojë dhe një kunat i zemëruar me kunatën. Të gjithë me origjinë nga Kukësi, për katër vite nuk vendosën paqe.
Konfliket e shumta detyruan 34 vjeçaren të kërkonte në gjykatë urdhër mbrojtje, e cila u vendos më 15 korrik të këtij viti ndërsa 2 muaj më pas kur gjithçka dukej se do i kthehej normalitetit deri kur mbrëmjen e së martës çdo gjë mori rrjedhë dramatike. Jetmira Hasani nxori plaçkat në rrugë për t'u larguar. Më herët, policia i kishte shkuar në ndihmë, por gruaja nuk u tërhoq nga vendimi për të ikur. Ky ishte momenti kur Agron Tanushi e qëlloi dy here me pushkë, duke e lënë të vdekur para portës së shtëpisë
Urdhëri i mbrojtjes
Pas 14 orë ndjekjeje, policia arrestoi Agron Tanushin vrasësin e Jetmira Hasanit. Ai ishte larguar menjëherë pas krimit dhe në vendin e ngjarjes la armën me të cilën e kreu. Arrestimi i tij u bë në Lushnje aty 31-vjeçari po tentonte të fshihej tek e motra në një lagje në periferi të qytetit. Nga ana tjetër policia vazhdon mbrojtjen e familjarëve të tij pasi ekziston frika e një hakmarrjeje të mundshme nga familja e viktimës. Për këtë arsye është në shtëpinë e tij në Bathore aty ku dhe ndodhi krimi vendosur dhe perimetri i sigurisë.
Jetmira Hasani dhe autori i dyshuar kunati i saj Agron Tanushi
Vëllai i viktimës Jetmira Hasani të vrarë mbrëmë në Bathore nga kunati i saj tha se motra e tij ka qenë në konflikt me familjen e bashkëshortit. Në një deklaratë për mediat ai theksoi se nëse policia do të kishte bërë punën e saja ajo nuk do të ishte e vdekur. Viktima i kishte thënë se vjehrra e kishte kërcënuar se do e vriste me pushkë e kishte 2-3 muaj që nuk flinte atje.
"Motra ka jetuar aty se aty ka lindur fëmijën. Ka shkuar për të marrë materialet e veta, që të mos shkonte më kurrë aty. Ka qenë hasëm me kunatin. Motra ka njoftuar policinë. Ka shkuar aty. Ka qenë dhe nusja e vëllait për të shoqëruar motrën për mbledhjen e plaçkave. Ka pas jetuar aty. U tërhoq për të mos jetuar më aty. Sikur na thotë nusja e vëllait që ka qenë prezent në ngjarje, policia i ka kërkuar Agron Tanushit që do vish në komisariat. Shoqërimi nuk u krye dhe u ka ikur me armë me vrap. Motra e ka pasur urdhrin e mbrojtjes prej disa muajsh. Ka pas edhe më përpara konflikte. Konfliktet e para i ka pasur me pleqtë e më pas me bashkëshortin. Pastaj me kunatin që ka kryer vrasjen. Nëna e ish-kunatit, vjehrra e motrës ka nxitur për vrasjen e motrës time. Ka pas thënë vetë motra ime që Bukuria, vjehrra do të të vras vetë me pushkë. Kishte mbi 2-3 muaj që nuk flinte atje. Po të ishte policia në krye të detyrës, motra ime do ishte gjallë sot. Policia nuk e ka shoqëruar në komisariat. Ja ka kërkuar në mënyrë vullnetare. Duhet të kontrollonin shtëpinë. Minimumi duhet të rrinin aty derisa dy palët në konflikt të mos ishin përballë njëra-tjetrës se mund të konfliktoheshin prapë. Kanë pasur konflikte që kanë përfunduar në komisariat. Në prezencë të policisë nuk e di. Mua nuk ma kthejnë motrën, por drejtësia të bëje punën e vet", tha vëllai i viktimës.
Arrestohet pas disa orësh në kërkim 31-vjeçari, Agron Tanushi, i cili mbrëmjen e djeshme vrau kunatën për motive pronësie. Report Tv mëson se ai u kap nga uniformat blu në një lagje në Lushnje, pasi atyre banonte motra e tij.
"Vihet në pranga autori i vrasjes me armë zjarri të 34-vjeçares në Kamzë, Tiranë. Sekuestrohet arma e zjarrit pushkë me të cilën autori kreu vrasjen. Si rezultat i kontrolleve të pandërprera, përdorjes së metodave speciale të hetimit dhe pamundësisë së fshehjes më gjatë autori i dyshuar i vrasjes ka rënë në prangat e shërbimeve të policisë së Lushnjës dhe të DVP Tiranë , pasi ishte i rrethuar pa asnjë mundësi largimi apo fshehjeje të mëtejshëme.
Menjëherë pas njoftimit të marrë për një ngjarje të ndodhur për shkak të marrëdhënieve familjare në orët e mbrëmjes të ditës së djeshme në Bathore, Kamzë, ku mbeti e vrarë me armë zjarri shtetasja J. H, Strukturat e Drejtorisë Vendore të Policisë Tiranë, në bashkëpunim me Komisariatin e Policisë Nr.5, Kamëz kanë ushtruar kontrolle të pandërprera si dhe kanë përdorur metodat proaktive për të bërë të mundur lokalizimin e vendndodhjes së autorit.
Si rezultat i trysnisë së ushtruar nga ana e Policisë duke kryer kontrolle të shtuara e të pandërprera në dhjetëra objekte, banesa, hotele, dhe godina të braktisura, informacioneve të grumbulluara, bashkëpunimit me familjarët, bashkëpunimit me Komisariatin e Policisë Lushnje dhe falë metodave proaktive mëngjezin e sotëm u bë lokalizmi i vendndodhjes së autorit , i cili fshihej në një lagje në Lushnje.
Pas disa orë kërkimesh, para pak minutash autori i dyshuar i ngjarjes, shtetasi A. T., 31 vjeç, u vu në pranga nga shërbimet e Komisariatit të Policisë Lushnje dhe të DVP Tiranë që e kishin mbajtur të rrethuar zonën ku ishte lokalizuar vendndodhja e tij.
Ky shtetas si pasojë e një konflikti të çastit, për motive të dobëta ka vrarë me armë zjarri ish –kunatën e tij shtetasen J. H., 34 vjeçe. Në bashkëpunim me Prokurorinë, vijon puna për dokumentimin e plotë të kësaj ngjarjeve", njofton policia.
Jetmira Hasani është gruaja që u vra nga kunati i saj Agron Tanushi. Ngjarja e ndodhur pasditen e djeshme në Bathore të Kamzës, ku Jetmira është qëlluar me armë në sy të vajzës së saj 8 vjeçare ka tronditur banorët e zonës.
Në një prononcim për mediat, banorët kanë thënë se pak para ngjarjes, policia ka qenë në vendin e ngjarjes, por menjëherë pasi është larguar ka ndodhur vrasja.
Njëri nga banorët tha gjithashtu se viktima i kishte nxjerrë plaçkat në rrugë dhe po priste të largohej për pak, por u qëllua nga kunati i saj. Siç tregohet, autori Agron Tanushi është larguar në këmbë dhe komshinjtë thonë se ishte i qetë në momentin e ikjes nga vendi i ngjarjes.
"Djali ishte i mirë, bëri disa ndërtime këtu. Nuk e dinim për konfliktin, nuk e di se çfarë i ka ndodhur atij. Jetmira ka qenë e ndarë dhe ka pasur katin e dytë. Jetonte bashkë me gocën e saj në kat të dytë. Mbrëmë kalova dhe çova djalin në shkollë, policia ishte njëherë dhe sa iku policia u bë atentati. Policia ishte aty, materialet i nxorën jashtë me i çu në shtëpi tek vëllezërit dhe pastaj u bë atentati. Pastaj kishte shti dhe e kishte vrarë. Ajo i kishte nxjerrë plaçkat në rrugë edhe do të ikte. Kishin ardhur dhe makinat që t'i ngarkojë, pastaj ai ka dalë me çifte. Policia e ka kontrolluar 100 herë atë, se ku e ka marrë çiften. Më pas ka ikur lart rrugicës, ka ikur në mënyrë të zakonshme, pa pasur asgjë. Mua më thanë që kishte ikur i qetë. Ka qenë herët kur ka dalë, si ka mundësi mos të kapet ai. Pa makinë, pa gjë ka ikur", tha një banor që jetonte afër shtëpisë së viktimës.
Ditën e djeshme, Jetmira Hasani ka qenë duke zbritur rrobat e saj dhe sendet personale për t'u larguar nga banesa së bashku me fëmijën e saj 8-vjeçar, por në ato momente ka pasur një tjetër konflikt me ish- kunatin, që agravoi deri në përdorimin e armëve duke sjellë edhe një viktimë. Ajo pretendonte se banesa ku jetonte pas ndarjes nga bashkëshorti është e saja, duke bërë që të kishte konflikte të vazhdueshme me ish- kunatin, Agron Tanushi, i cili i mori jetën. Aktualisht në këtë banesë jetën vetëm nëna e autorit, dhe fsmiljarët i druhen një hakmarrjeje të mundshme, pasi edhe dje ka pasur një përplasje mes 2 familjeve.
Kjo është Jetmira Hasani, e cila dje u vra nga ish- kunati i saj, Agron Tanushi. Report Tv ka siguruar foton e saj.
Komente
Ky eshte konflikt prone.N.q.s shtepia eshte e vjerreve ,ajo ndahet ne sa femije jane,ne kete rast dy djem. Pjeset e djemve ndahen baraz me bashkshortet e tyre,dhe ne rast vdekje,si kjo gruaja,pjesa e saj I kalon tani automatikisht vajzes 8 vjecare.Keto ndarje vlejne dhe ne rast divorci,gruaja qe u vra kishte prape te drejte mbi nje pjese te shtepise.E vetmja gje qe mund te ndryshoje kete rend ndarje pasurie ,mund te jete ndonje femije I panjohur,ose nje testament ku vendoset qartazi vullneti I te zotit te shtepise se kujt do qe t,ia lere pasurine.Ne raste te caktuara kur ke arsye te forte me argumente te pakundershtueshme,mund ta hedhesh ne gjyq dhe nje testament.
PërgjigjuPse e kapet??? A nuk i futshit nje plumb kokes mo mir? Tani do paguajme me taksat tona per avokat,prokuror,gjyqtar,polic shoqerimi e polic burgjesh,ushqim e kujdes shendetsor qe ky kriminel te jetoje e te boj si i fort nga burgu!!!
PërgjigjuDo jet arsye tjeter jo pronsie. Cpune kishte me kunaten ai mostra.
PërgjigjuTe gjidha kunatat jan ngaterrestare dhe qellimi tyre eshte te armiqesojn burrin me vellezerit..jan zagare..ne raste te tilla duhen rrahur nuk duhet te tolerohen fare i keshilloj burra ti fusin ne vask me uje te ftohet ..dhe po e perseriten prap ti fusin ne banjo per tre dit te flen atije ne banjo derisa ti vin trut ne vend..
PërgjigjuSa gjynah! A po ikte , pse e vrave ? po vajza qe kerkon nenen ? kriminel
Përgjigjuurdher mbrojtje e terci verci.....a behet shpellari njeri ...jo ...po ska kjo e ndjera ndojne vella kushuri vallahi ta kisha soj do ja merja jeten un atij qe dhe me kanun nuk esh bur por pusht frikacak nje cop mut i madh dhe pret te behet ky vend...ka tridhjet vjet posht baaaaa do dhe 300 te tjera te mesohet me regullat e jetes normale qytetare...duan shekuj te dalin nga shpella...ptuuuuuuu plere me karer kembe....
PërgjigjuUrdher mbrojtje leshi, Edhe pse ka patur konflikte te meparshme e kane lene ne nje cati me ate te"cmendurin" nen meshiren e nje cope letre qe Agron Tanushi e perdori si leter higjenike.
Përgjigju