Bota

Vritet ish-kryetari i Parlamentit ukrainas, vrasësi i maskuar si korrier i Glovo-s

30 Gusht, 14:59| Përditesimi: 30 Gusht, 15:23

  • Share

Foto: Andriy Parubiy

Ish-kryetari i parlamentit ukrainas, Andriy Parubiy, u qëllua sot për vdekje në Lviv, njoftuan autoritetet ukrainase.

“Viktima vdiq në vend si pasojë e plagëve të marra. I ndjeri është një figurë e njohur publike dhe politike i lindur në vitin 1971”, thuhet në raportin e policisë, që sqaron se po merren të gjitha masat për të identifikuar autorin e sulmit dhe vendndodhjen e tij.

Parubiy drejtoi Parlamentin nga viti 2016 deri në 2019 dhe më herët pati shërbyer si Sekretar i Këshillit të Sigurisë Kombëtare dhe Mbrojtjes.

Parubiy ishte ndër themeluesit e partisë së ekstremit të djathtë Svoboda dhe më vonë u afrua me grupet pro-evropiane, siç është "Atdheu" i Yulia Tymoshenkos.

Sipas pamjeve të kapura nga kamerat e sigurisë së Lvivit, një burrë i maskuar si shofer shpërndarjeje Glovo dyshohet se ka qëlluar tetë herë me armë zjarri drejt tij. Pasi e vrau Parubyi-n nga afër, vrasësi, me fytyrë të maskuar, u largua me një biçikletë elektrike.


Lajmi kryesor:

VIDEO/ Ishte duke ecur në trotuar, momenti kur ish-kryetari i parlamentit ukrainas vritet me 8 plumba, vrasësi i maskuar si korrier


Xh.K/ReportTv.al
  • Sondazhi i ditës:

    Çmendet trafiku, kush e ka përgjegjësinë?