DURRËS-Policia ka zbardhur vdekjen e të moshuarës mesditën e djeshme në qytetin bregdetar. Sipas bluve të Durrësit, Floresha Shkurti 81-vjeçe humbi jetën, pasi është qëlluar me thikë në kokë nga nipi pas sherrit që kishin pasur.
‘Redmon Gruda, 21 vjeç, banues në Durrës dyshohet se mesditën e datës 27.09.2018, por motive të dobëta ka goditur disa herë me thikë në kokë gjyshen e tij, e cila si pasojë e plagëve të marra ka gjetur vdekjen e menjëhershme’ deklaron policia.
Autori Redmon Gruda
Sipas burimeve të Report Tv, Gruda ishte përdorues hashashi dhe dyshohet se e ka vrarë gjyshen e tij pas debatit se nuk i jepte lekë. Ai fillimisht dje u shoqërua pasi raportoi ngjarjen, ndërsa më pas grupi hetimor ka gjetur prova bazuar edhe mbi autopsinë duke e arrestuar të riun, pasi e moshuara kishte shenja dhune dhe gjak.
Viktima Floresha Shkurti
Ngjarja ndodhi dje në lagjen Nr.16, ndërsa e moshuara jetonte me nipin dhe nusen, pasi djali i kishte vdekur disa vite më parë. Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale" Vrasja për shkak të marrëdhënieve familjare", parashikuar nga neni 79/c të Kodit Penal.
REPORT TV zbardh dëshminë e nipit në Durrës që vrau gjyshen mesditën e djeshme dhe dinamikën e ngjarjes. Ne momentin e vrasjes ai ka qenë vetëm me gjyshen në banesë. Sherri ka nisur se i kërkonte lekë. E moshuara Floresha Shkurti 91-vjeçe nuk i jepte dhe nipi Redmon Gruda përdorues droge e ka goditur me thikë duke e lenë të vdekur. Pastaj ka njoftuar policinë se ka gjetur gjyshen të vdekur.
Pas shoqërimit në polici, ai fillimisht nuk pranoi krimin, duke deklaruar se ‘e gjeta derën e shtëpisë hapur dhe gjyshen të vdekur, pastaj njoftova policin’. Ndërkohë ishte kryer autopsia dhe mjeket dalluan çarjen me thikë në pjesën e pasme të kafkës çka e rrëzoi pistën e vdekjes aksidentale.
Gjatë gjithë natës vazhdoi hetuesia intensive dhe pas mesnatës ai e pranoi autorsinë. ‘Rreth orës 01:00 i riu ka pranuar krimin më pas është arrestuar’ thonë burimet për Rpeort Tv nga grupi hetimor. Report Tv mëson se nipi thikën me të cilën vrau gjyshen e kishte copëtuar dhe e kishte hedhur për të fshehur provat, ndërsa i janë gjetur disa pjesë që i kishte hedhur.
Komente
Monster
PërgjigjuKy esht qen dhe jo njeri
Përgjigju