Presidenti ukrainas Volodymyr Zelensky është i gatshëm të largohet nga posti pas përfundimit të luftës me Rusinë. Këtë e ka deklaruar vetë Zelensky në një intervistë për faqen e lajmeve Axios.
"Qëllimi im është ta përfundoj luftën, jo të vazhdoj të kandidoj për postin", ka thënë ai.
Zelensky ka premtuar gjithashtu se do t’i kërkojë parlamentit ukrainas të organizojë zgjedhje nëse arrihet një armëpushim, në rast se mund të garantohet zhvillimi i votimeve në mënyrë të sigurt. Lideri ukrainas ka deklaruar se e kupton që njerëzit mund të dëshirojnë një udhëheqës me një mandat të ri, i cili do të marrë vendimet e rëndësishme të nevojshme për arritjen e një paqeje afatgjatë.
Lajmi kryesor:
Zelensky kërcënon Rusinë: Ndalo luftën ose do të duhet të gjeni një strehë të sigurt! I përgjigjet Kremlini: Idioti i Kievit
A.I/ReportTv.al