Një zyrë partiake e vendosur në një ambient privat në njësinë 8 në Tiranë, është bërë mollë sherri mes njerëzve të Berishës dhe atyre të Bashës.
PD kërkoi ndihmën e KQZ që të urdhërohej zyra përkatëse të heqë simbolet e PD, për sa kohë nuk është pjesë e strukturave të asaj partie dhe se këto ambiente mund të krijonin ngatërresë për mbështetësit.
Mësohet se këto ambiente përdoreshin nga demokratë që sot janë pranë Lulzim Bashës.
Celibashi e pranoi kërkesën duke urdhëruar subjektin privat ta zbatojë menjëherë,
Të njëjtën kërkesë PD e ka përcjellë edhe në komisariatin policor të zonës. Menjëherë pas vendimit, logot e PD u hoqën nga ambientet private.
Nga ana tjetër, KQZ, u shpërndau 11 partive pjesëmarrëse në zgjedhjet e 11 majit, fondin e posaçëm që do ta përdorin për fushatë. Fondet më të mëdha i takojnë Partisë Socialiste, Partisë Demokratike dhe Partisë së Lirisë.
Lulzim Basha nuk përfiton fonde për partinë e tij “Koalicioni Euroatlantik”, pasi ai nuk është zyrtarisht deputet i saj, dhe fondet ndahen sipas rezultatit që kanë marrë në zgjedhjet e vitit 2021.
Komente
