'Rezultatet paraprake në zgjedhjet parlamentare të Shqipërisë tregojnë se Partia Socialiste në pushtet është në epërsi ndaj partive të tjera', thuhet në një artikull të Washington Post për zgjedhjet parlamentare të 11 majit në Shqipëri.
Sipas artikullit, Partia Socialiste e Ramës thotë se mund të sigurojë anëtarësimin e Shqipërisë në BE brenda pesë vjetësh.
Shifrat deri tani, sipas Washington Post parashikojnë që socialistët të sigurojnë jo vetëm 71 mandatet e nevojshme për të qeverisur të vetëm, por edhe një shumicë më të madhe krahasuar me mandatin e kaluar.
'Me një të katërtën e votave të numëruara, socialistët e krahut të majtë të Ramës kanë 53% të votave, të ndjekur nga koalicioni opozitar i qendrës së djathtë i udhëhequr nga Partia Demokratike e Sali Berishës me 35%. Me këto shifra, socialistët do të marrin 71 vendet e nevojshme për të qeverisur të vetëm dhe me shumë mundësi edhe më shumë se mandati i mëparshëm. Pjesëmarrja paraprake të dielën ishte pothuajse 42.16%, ose 4% më e ulët se katër vjet më parë.
Rreth 3.7 milionë votues të kualifikuar në Shqipëri dhe jashtë vendit votuan për të zgjedhur 140 ligjvënës për një mandat katërvjeçar në vendin ballkanik. Për shkak të emigrimit masiv, vendi me 2.8 milionë banorë ka rreth 3.7 milionë votues të kualifikuar. Për herë të parë, ata në diasporë, rreth 191,000, mund të votonin dhe të hidhnin votat e tyre me postë', thuhet në artikull.
Po ashtu, artikulli ndalet edhe tek fushata elektorale e Berishës duke e cilësuar të ngjashme me atë të presidentit amerikan Donald Trump.
'Berisha zhvilloi një fushatë elektorale të ngjashme me atë të Presidentit të SHBA-së Donald Trump, duke punësuar gjithashtu një nga konsulentët e tij më të mirë të fushatës', thuhet në artikull.
Në artikull thuhet se socialistët kanë premtuar se do të rrisin vizitorët e huaj nga 10 milionë mbërritje në vitin 2024 në 30 milionë deri në vitin 2030
Komente
WP haroi dy gjera: SB nuk eshte DJT.Dhe Shqiperia nuk eshte Amerike.
Përgjigju