Një vatër zjarri e përmasave të mëdha është aktivizuar që prej pasdites së kësaj të marte në Palasë të Vlorës. Brenda 60-70 minutash, flakët u përhapën prej erës dhe u kërkua me urgjencë ndërhyrje nga ajri. Ndonëse mbërriti helikopteri për të bërë të mundur shuarjen e zjarrit, ende vijon të jetë aktiv. Flakët janë shumë pranë një rezorti të frekuentuar nga VIP-at.
Ndërhyrja e zjarrfikësve është thuajse e pamundur për shkak të terrenit të vështirë. Nga pamjet duket se situata është problematike në kodrat e Llogarasë, ku po digjet zona e pyllëzuar.
Ndryshe nga herët e tjera që shkak për flakët ka qenë vetë dora e njeriut, këtë herë mësohet se zjarri është shkaktuar pasi ka pasur shkëndija dhe rrufe në këtë zonë. Flakët duken se janë shumë pranë detit, ku gjatë muajit gusht ka mbipopullim nga pushuesit e huaj dhe vendas.
Ndërsa 2 vatra që u aktivizuan pasditen e sotme në Vlorë janë nën kontroll. Një vatër ishte në një sipërfaqe toke me shkurre në zonën e stadiumit të Nartës në Vlorë, ndërsa një sipërfaqe toke u përshi nga flakët në zonën e "Ish Fushës së Druve".
Zjarri në kodrat e Llogarasë
1 / 9
2 / 9
3 / 9
4 / 9
5 / 9
6 / 9
7 / 9
8 / 9
9 / 9
Prej disa orësh flakët kanë përfshirë zonën e pyllëzuar në Qafën e Llogarasë. Në pamje duket se zjarri është i përmasave të mëdha ndërsa një pjesë e faqes së malit duket se po shkrumbohet tërësisht. Zjarri është shumë pranë një rezorti të frekuentuar nga VIP-at në jug të vendit.
Një zjarr ka përfshirë një sipërfaqe toke në zonën e "Ish Fushës së Druve" në Vlorë.
Në vendngjarje ka mbërritur mjeti zjarrfikës se bashku me tre efektivë, të cilët po punojnë për shuarjen e flakëve.
1 / 7
2 / 7
3 / 7
4 / 7
5 / 7
6 / 7
7 / 7
Një zjarr ka rënë në një sipërfaqe toke me shkurre në zonën e stadiumit të Nartës në Vlorë.
Menjëherë në vendngjarje mbërritën zjarrfikësja dhe 4 efektivë të cilët arritën të vinin nën kontroll flakët.
Fshati Palasë i Vlorës është përfshirë nga flakët këtë të martë. Nga pamjet duket se ndërhyrja e zjarrfikësve është e vështirë për shkak të terrenit ndërsa ka mbërritur helikopteri për shuarjen e flakëve.
Komente
I djeg banda e Samir Manes duan siperfaqe te rreja per ndertim yyyt mos u ngopshit robqira!
PërgjigjuNa njoftoni kur te arrijne ne vendngjarje. Flm
Përgjigju