Një vatër zjarri është regjistruar në zonën e Sevasterit, ndërsa ka mbërritur edhe helikopteri për shuarjen e flakëve. Ndërhyrja shumë e vështirë për shkak të terrenit. Vatra e zjarrit është evidentuar mëngjesin e sotëm ndërsa flaket kanë avancuar ndjeshëm duke djegur një sipërfaqe të konsiderueshme me bimësi, peme dhe shkurre. Situata në zonë është duke u monitoruar nga zjarrfikësja e Selenicës ndërsa nëse situata agravon do të kërkohet ndërhyrje nga ajri.
Temperaturat e larta dhe era që fryn në zonë favorizon përhapjen e flakëve. Vatra e zjarrit ndodhet në lartësi pranë malit të Sevasterit ndërsa ndërhyrja nga toka është thuajse e pamundur për shkak të terrenit.
Dyshohet se zjarri të jetë i qëllimshëm për hapje kullotash duke krijuar tashme një situate problematikë në zonë. Pranë vatrës se zjarrit ndodhen stane te cilat rrezikojnë nga flaket ndërkohë që për momentin nuk ka rrezik për banesat.
Lajmi kryesor:
Zjarret ‘shkrumbojnë’ malet! Lura, Dukati e Shkopeti nën pushtetin e flakëve! Digjet edhe Delvina
SI.E./Xh.D/ReportTv.al
