Vatra të shumta zjarri janë rikthyer në vendin tonë në këtë sezon vjeshte nga veriu në jug duke u favorizuar edhe nga temperaturat e larta dhe era. Një zjarr ka rënë në fshatin Vasjar të bashkisë së Memaliajt, duke rrezikuar banesat që ndodhen aty pranë. Zona e mbrojtur e Vjosë-Nartës vazhdon akoma të jetë nën pushtetin e flakëve prej disa ditësh.
Një zjarr i fuqishëm përfshiu hekurudhën Vorë-Shkodër në afërsi të fshatit Budull të Bubqit, por pas 5 orësh fatmirësisht është shuar. Zjarri i favorizuar nga era e fortë dogji mbi 2 kilometra hekurudhë. Sipas burimeve, zjarri është i qëllimshëm dhe është vënë nga fshatarët të cilët kanë tokat e tyre në afërsi të hekurudhës. Nga zjarri u rrezikuan afro 10 banesa të cilat ishin rreth 40 metra larg flakëve, ndërsa në vend ndërhyri zjarrfikësja e Niklës, Krujës dhe Vorës.
Një zjarr ka rënë në fshatin Vasjar në Memaliaj duke rrezikuar banesat që ndodhen pranë. Era ka favorizuar përhapjen e tij dhe e gjithë zona është mbuluar nga tymi i zi. Në vend ndodhet forcat zjarrfikëse të cilat po mundohen të lokalizojnë flakët.
Zjarri në zonën e mbrojtur në Vjosë-Nartë vazhdon sërish të jetë aktiv. Forcat e zjarrfikëses qe prej mëngjesit ndodhen në pyllin e Poros. Përsëri vijon të jetë e vështirë mbajtja nën kontroll e flakëve pasi vatrat janë aktive. Kujtojmë se zjarri është aktiv prej disa ditësh atje duke rrezikuar jetën e të gjitha gjallesave që jetojnë në pyll.
Një zjarr ka përfshirë ditën e sotme varrezat e Mesopotamit dhe zonën pranë Kishës historike. Këto objekte janë monument kulture të Shën Nikollit. Akoma nuk bëhen të ditura shkaqet e zjarrit, që rrezikoi monumentin e kulturës. Kisha e Shën Kollit është një monument i trashëgimisë kulturore në Finiq të Sarandës. Fatmirësisht ndërhyrja e zjarrfikësve ka bërë të mundur fikjen e zjarrit.
Komente
Amaneeeee re te keqen shifni Besin dhe hijen a jan mir si i kan te mbjellat
Përgjigju