Për shkak të temperaturave të larta dhe erës që e favorizon, zjarri në anën e Kapshticës vijon të jetë aktiv duke prekur një sipërfaqe të konsiderueshme, e cila po përfshin me ritme të shpejta të gjithë pllajën e malit.
Gazetari i Report Tv, Armand Braho bën me dije se në vendngjarje ndodhen forcat zjarrfikëse të cilat po bëjnë të mundur edhe me mjete rrethanore shuarjen e flakëve, por duket se situata po agravon pasi zjarri po arrin pranë rrugës nacionale Kapshticë-Bilisht.
Pavarësisht angazhimit të forcave zjarrfikëse, era ka bërë që pjesa më e madhe e hapësirës nga Vërniku deri në Kapshticë të përfshihet nga flakët.
Lajmi kryesor:
Vijon zjarri në Vernik të Devollit, rreth 250 hektarë sipërfaqe e djegur! Procedohet 79-vjeçari që e shkaktoi! Grupet në terren (VIDEO)
V.GJ /r.k./ReportTv.al
