Andrea Agostinelli është trajneri i ri i Flamurtarit. 67-vjeçari u prezantua në Vlorë, teksa nuk është një emër i panjohur në Shqipëri. Më herët ai ka qenë pjesë e Partizanit dhe Skënderbeut në Superligë, kjo gjatë viteve 2015-17.
Synimi i klubit vlonjat është rikthimi i Flamurtarit në elitën e futbollit shqiptar. Konkurrenca në Kategorinë e Parë është e madhe dhe për këtë asgjë nuk duket e lehtë për timonierin italian.
“Andrea Agostinelli është zyrtarisht trajner i Flamurtari Football Club. Së bashku me trajnerin, në rolin e përgatitësit atletik ekipit i bashkohet edhe Dario Leva”, njoftojnë vlonjatët.
Agostinelli njihet si ish-trajneri i Napolit në 2003, Vareses, Potenza, Livorno apo Beneventos.
Komento
