TURQI - Presidenti i Ankaragucu, Faruk Koca ka dhënë dorëheqjen pasi goditi dje me grusht gjyqtarin Halil Umut Meler në fund të ndeshjes me Rizesporin. Faruk Koca, i cili tashmë është arrestuar, tha se ishte i pikëlluar me atë çfarë kishte bërë.
Ndërsa Meler ishte shtrirë në tokë, ai gjithashtu u godit me shkelm në kokë të paktën një herë. Koca ka bërë të ditur dorëheqjen e tij përmes një deklarate në faqen e klubit.
“Asgjë nuk mund të legjitimojë apo shpjegojë dhunën që kam kryer. Fushat sportive duhet të jenë vendi i konkurrencës mes zotërinjve. Çdo qëndrim që hedh hije mbi lojën e ndershme, duke përfshirë edhe timin, nuk duhet të jetë i pranishëm në stadiume", thuhet në reagimin e Koca.
Turqia u trondit dje kur ish-presidenti i klubit turk të futbollit, Ankaragucu, Faruk Koca goditi me grush pas ndeshjes arbitrin Halil Umut. Federata e futbollit në këtë vend pezulloi pa afat kampionatin elitar, me presidentin Koca që u vendos në pranga, teksa arbitri ka zbuluar edhe detaje.
"Kur isha në tokë, të gjithë njerëzit më goditën disa herë në fytyrë dhe në pjesë të tjera të trupit. Faruk Koca para të gjithë bashkëpunëtorëve të mi më tha: 'Do të të vras'", tha arbitri.
Veç tij, edhe Shoqata e Arbitrave ka mbështetur arbitrin dhe ka thënë se do jenë me të për çdo vendim.
“Do të bëj denoncim kundër Faruk Kocas dhe personave të tjerë që më rrahën. Nuk dua të bëj kompromis. Kjo është gjithçka që kam për të thënë. Të gjithë e panë atë që ndodhi mbrëmë. Nuk kemi çfarë të shtojmë", deklaroi arbitri Arda Kardesler.
Faruk Koca ka dhënë dorëheqjen pasi goditi dje me grusht gjyqtarin Halil Umut Meler në fund të ndeshjes me Rizesporin.
