Në atmosferën e shenjtë të Pashkëve, besimtarët ortodoksë beratas u mblodhën sot për të përkujtuar të Premten e Zezë, ditën që simbolizon flijimin e Jezu Krishtit në kryq.
Ceremonitë u zhvilluan në Katedralen e Shën Dhimitrit, ku qindra besimtarë ortodokse dhe jo vetëm, u bënë pjesë e këtij rituali të rëndësishëm shpirtëror.
Pas shërbesës së mbrëmjes,i udhëhequr nga Hiresia e Tij Asti së bashku me At Joan Qako dhe At Petraq Simsia,Epitafi i Katedrales së Shën Dhimitrit dhe Epitafi i Kishës së Shën Spiridonit, u shëtitën (në një proçesion solem) nëpër rrugën kryesore të qytetit të Beratit,ndërsa besimtarët luteshin për shëndet,mirësi dhe paqe.
Ky ritual i përvitshëm për besimtarët ortodoks në javën e madhe të pashkës shënon kulmin e dhimbjes për vdekjen e Krishtit por edhe fillimin e përgatitjes për gëzimin e Ringjalljes së tij në natën e Pashkës.
Lajmi kryesor:
E premtja e zezë/ Mijëra besimtarë katolikë kremtojnë Udhën e Kryqit, ortodoksët procesionin e Epitafit! Përkujtohet Kryqëzimi i Krishtit
S.B/I.M/ReportTv.al
