Fier - Dëshmitë e të afërmve, fqinjëve dhe kryeplakut të fshatit Frashër të Fierit, nxjerrin një tjetër anë të vrasjes makabre të babait nga vajza dhe fshehjes së krimit nga nëna.
Kunata dhe fqinji i viktimës thonë se 56-vjeçari Anesti Rama nuk ishte fanatik, por se vajza dhe gruaja e dhunonin, e linin në dhomë më vete, pa ngrenë dhe i merrnin rrogën.
Sipas dëshmiëve të tyre për gazetarët e Report Tv në Fier, Kristaq Thano e Marsida Topi, vajza Ermalinda Rama 26 vjeç dhe bashkëshortja Valbona Rama, kishin prokurë për të tërhequr nga banka rrogën e viktimës, i cili punonte në një serë bujqësore.
Kunata e viktimës: Kishin edhe probleme, se tani çifti ka probleme në shtëpi, por edhe çupën nuk e njoh aq mirë se unë kam qenë në Delvinë. Lekët që punonte, i kishin hedhur ata të punës a nuk e di, edhe me pasaportën e tyre venin merrnin lekët. Lekët ky nuk i merrte dot në dorë, se nuk i njihte lekët, vetëm se punonte, lekë në xhep ai nuk mori asnjëherë.
Fqinji i viktimës: Faktikisht ai nuk dinte shkrim e këndim, ato e kishin bërë me prokurë që tërhiqnin lekët nga banka. Ajo që thotë vajza, që ka deklaruar se nuk i jepte lekë, janë gënjeshtra. Hani çfarë u donte qejfi vetë atyre. Unë si komshi ndonjëherë i pyesja e ushqeni apo nuk e ushqeni, se kohët e fundit ishte dobësuar shumë. I japim ushqim, thoshin, ndoshta mund t’i kishin dhe gënjeshtra. Por gjithmonë i bërtisnin.
Ndërsa vajza e dytë e viktimës së Fierit, e cila jeton në Itali dhe larg familjes, ka treguar se motra dhe mamaja i thanë që babai ishte rrëzuar në banjo.
Ndërsa për mamanë thotë se po e lanin për ta bërë gati për ceremoninë mortore.
Vajza e dytë e viktimës: Ngjarja e mësova nga ora 20:00, më ka marrë motra në telefon, që babi kishte rënë në banjo. Më tha kështu: “O motra, ka rënë babi në banjo”. I thashë ç’po thua? Edhe fiku telefonin. Pastaj e marr pas 5 minutash, edhe më thotë mami ik se po merremi me babin, se po e vishnin a po e lanin nuk e di, edhe e fika prapë telefonin. Fillova pastaj të merrja kunatën time, se i rashë mamit prapë e nuk ma hapi telefonin. Mora kunatën që të vinte këtu e të merrja vesh, se nuk po e besoja. Kur po e lante mami, dëgjova një zë dhe i thashë: Mami, babi është gjallë? Jo, tha, ka vdekur. Kaq ishte. Unë me prindërit e me motrën kam folur gjithmonë, flisja përditë, flisja me babin, ishte çdo gjë në rregull.
Gazetarja: Kishte motra një zhvillim të mirë? Ishte e mirë në shkollë?
Vajza e dytë e viktimës: Ne kemi bërë 9-vjeçaren këtu.
Gazetarja: Mami edhe motra punon?
Vajza e dytë e viktimës: Po punonin.
Gazetarja: Kishte motra një të dashur apo ndonjë djalë që të kishte treguar?
Vajza e dytë e viktimës: Jo.
Kurse nipi i viktimës tregon se 56-vjeçari kishte goditje në ballë.
Nipi i viktimës: Kur sa e pashë, pashë goditjen që kishte në ballë, edhe kishte shumë gjak mbrapa kokës, domethënë që ishte vrarë dhe mbrapa kokës. Kurse nga ajo që kishim dëgjuar që e kishin gjymtuar edhe poshtë, e vura re dhe kishte dy prerje. Tani nuk e di nëse ato prerjet ishin nga autopsia ose ishin nga dhuna, por e di që ishte i prerë.
Anesti Rama 56 vjeç u mbyt për vdekje me tel nga vajza e tij Ermalinda Rama 26 vjeç. Kjo e fundit është arrestuar, së bashku me nënën Valbona Rama që akuzohet për bashkëpunëtore. Vajza ka thënë në polici se i ati nuk i jepte lekë dhe nuk e lejonte të vishej ekstravagante. Por kjo alibi nuk është fort e besueshme, pasi kunata dhe fqinji i viktimës kanë thënë se rrogën e të ndjerit e tërhiqnin nga banka me prokurë e bija dhe bashkëshortja, e në disa raste e linin dhe pa ushqim.
Krimi makabër i Fierit duket se po merr një tjetë rrjedhë. Dëshmitë e kunatës dhe fqinjit të viktimës në Frashër të Fierit, dhënë për gazetaren e Report Tv, Marsela Topi, tregojnë një anë tjetër të historisë.
Ndryshe nga dëshmia e vajzës në polici, e cila deklaroi se e vrau babain për shkak se nuk i jepte para dhe nuk e lejonte të vishej ekstravagante e të argëtohej, fqinji i tyre, por edhe kunata e të ndjerit Anesti Rama 56 vjeç, tregojnë se viktima nuk mbante para.
Sipas deklaratave të tyre, rrogën që kompania i derdhte në bankë nga puna në një serrë bujqësore, e tërhiqnin bashkëshortja dhe e bija e të ndjerit përmes një prokure të posaçme.
Këtë fakt e pohojnë si kunata, ashtu dhe fqinji i viktimës. Kjo për faktin se Anesti Rama nuk dinte as shkrim e as këndim, dhe nuk i njihte paratë.
Kunata e viktimës: Kishin edhe probleme, se tani çifti ka probleme në shtëpi, por edhe çupën nuk e njoh aq mirë se unë kam qenë në Delvinë. Lekët që punonte, i kishin hedhur ata të punës a nuk e di, edhe me pasaportën e tyre venin merrnin lekët. Lekët ky nuk i merrte dot në dorë, se nuk i njihte lekët, vetëm se punonte, lekë në xhep ai nuk mori asnjëherë.
Fqinji i viktimës: Faktikisht ai nuk dinte shkrim e këndim, ato e kishin bërë me prokurë që tërhiqnin lekët nga banka. Ajo që thotë vajza, që ka deklaruar se nuk i jepte lekë, janë gënjeshtra. Hani çfarë u donte qejfi vetë atyre. Unë si komshi ndonjëherë i pyesja e ushqeni apo nuk e ushqeni, se kohët e fundit ishte dobësuar shumë. I japim ushqim, thoshin, ndoshta mund t’i kishin dhe gënjeshtra. Por gjithmonë i bërtisnin.
56-vjeçari Anesti Rama u vra nga vajza e tij Ermalinda Rama 26 vjeç, e cila e mbyti me tel. E bija është arrestuar, së bashku me mamanë Valbona Rama, pasi kjo e fundit akuzohet si bashkëpunëtore duke tentuar të fshihnin krimin dhe e denoncuan ngjarjen si aksidentale.
Krimi në familje ndodhi mbrëmjen e së enjtes.
FIER- Dhunën që nënë e bijë ushtronin ndaj 56-vjeçarit Anesti Rama në Fier nuk e dinin vetëm banorët e zonës, por edhe autoritetet. Prej kohësh ato ishin në dijeni e madje policia kishte trokitur disa herë në derën e familjes Rama, por dhuna nuk u ndal derisa e bija i mori jetën të atit duke e mbytur me litar.
Kryeplaku i fshatit Frashër, Irakli Zarka, tregon për Report TV i tronditur se si e mësoi ngjarjen e rëndë të krimit në familje, ku fillimisht i kishin thënë se Anesti Rama, kishte pësuar infrakt dhe kishte ndërruar jetë.
Ai tregon se Anesti Rama, ka jetuar gjithmonë në kushte tepër të vështira ekonomike, duke filluar si bari i një tufe me dhi, si punëtor krahu për disa vite në Greqi e për të përfunduar si punonjës i një ferme blegtorale në zonë.
“Ka qenë djalë i urtë, punëtor, ishte disa kohë në Greqi, punoi andej, bëri shtëpitë, pastaj pati ca dhi, merrej me dhitë. Këto nuk e trajtonin mirë, vinte më ankohej nuk më trajtojnë mirë, edhe për të ngrënë nuk i jepnin,. I thonin ik nga shtëpia, është shtëpia jonë. Ka shkuar disa herë edhe policia, edhe unë,. Ishin të pabindura. E trajtonin shumë keq, ai ishte punëtor. E di sa keq na ka ardhur si fshat. Gjynah ti visheshin thonte në grykë atij njeriu, çfarë të flasësh për atë”, tregon ai.
Anesti Ramën e përshkruan si një njeri të qetë, punëtor. Nuk kishte jetë sociale tregon kryeplaku Zarka, dinte vetëm punë dhe shtëpi, ku trajtohej shumë keq nga bashkëshortja Valbona dhe e bija Emalinda. E linin pa ngrënë dhe donin ta hiqnin nga shtëpia, thotë ai teksa tregon se familja Rama trajtohej dhe me ndihme ekonomike 3 mijë lekë në muaj. Vetë kryeplaku i kishte ofruar nënë e bijë që të punonin në një këpucari, por nuk pranuan. Donin jetë të mirë, por shikonin telenovela gjithë ditën, shprehet ai.
“Trajtohej me ndihmë ekonomike. Na dhanë urdhër që këta që janë me ndihën ekonomike, nëse duan të punojnë në këpucari, tu hiqej ndihma e të punonin, U thashë të shkonin të punonin, nuk donin, pranuan 30 mijë lekëshin dhe nuk vajtën në këpucari. Donin të rrinin në shtëpi dhe të mos punonin, Punonte Nesti i shkretë, ishte djalë i përsosur, pa fjalë, punonte, i urtë. Na ka ardhur keq. punonte, çonte lekë në shtëpi, e trajtonin keq, ngeli policia aty, kushedi sa herë ka vajtur. Nuk e di pse e keqtrajtonin, ishte shumë i mirë”, tha ai.
Irakli Zarka tregon gjithashtu se nënë e bijë blinin ushqime pa lekë dhe në momentin që mu ankua Anesti, ato e qëlluan në syrin e tij.
“Kur ishte ky në Greqi, këto merrnin borxh nëpër dyqane. Kishin marrë njëherë shumë, afro 400 mijë lekë. Vjen më ankohet mua si kryeplak, më tha kam gjetur belanë, ato duan lekë. Dje unë vajta tek shtëpia, ato e goditën në syrin tim. Aq të poshtra, aq keq më kanë ardhur. I thanë, pse i the kryeplakut. Cfarë të flas. Na ka ardhur shumë keq, jemi prekur aq shumë”, thekson Zarka.
Zarka pohon gjithashtu se pavarësisht se ai keqtrajtohej vazhdimisht, nuk është i habitur për mënyrën se si ia morën jetën pasi nga ato të dyja gjithçka pritej thotë ai.
“Ajo shkollën 8-vjeçare ka mbaruar. U martua njëherë, pastaj u ndajnë. Rrinte me të ëmën. Punonin nëpër serë bashkë me nënën. E trajtonin keq, nuk e di ca kishim me atë të uruar. Ato nuk e mbanin mirë, nuk e ushqenin. Ai ishte tip i mbyllur, nga puna në shtëpi. Jemi shokuar. Vajza tjetër është e martuar. Ashtu si silleshin ato e prisnin, ka patur një rast që mu ankua”, theksoi Zarka.
Ndërkohë i ndjeri është përcjellë sot për në banesën e fundit ndërsa vajza tjetër , e ardhur nga Italia mes dhimbjes jashtë kamerës thotë se kjo derë u mbyll përgjithmonë.
Lajmi kryesor:
Vrasja e Anesti Ramës në Fier, arrestohet edhe shoku 55-vjeçar i vajzës si bashkëpunëtor në krim, dyshohet se kishin lidhje intime (EMRI + FOTO)
V.GJ /ReportTv.al
Komente
VELLAI I VIKTIMES DUHET TE MARRE HAK.. DUHET TE VRASE TE BIJEN E TE VELLAIT...
Përgjigju