Vazhdojnë zjarret në zonën e Cakranit në Fier. Pas zjarrit në fshatin Kreshpan, një zjarr tjetër ka rënë në fshatin Vjosë.
Për të shuar zjarrin në vendin e ngjarjes kanë shkuar forcat zjarrfikëse të Fierit, të ndihmuar gjithashtu edhe nga forcat zjarrfikëse të Patosit. Në fshatin Vjosë është përfshirë nga zjarri një zonë me shkurre dhe me bar, ndërkohë që rrezikohen edhe fushat e mbjella me ullishte.
Ndërkohë jo më shumë se 150 metra larg ndodhet edhe disa shtëpi. Terreni është i vështirë dhe temperaturat e larta vështirësojnë shuarjen e tij.
Pas 5 orësh zjarrfikësit kanë vënë nën kontroll flakët.
Lajmi kryesor:
Zjarri 'pushton' Karaburunin, punonjësit e ADZM 'luftojnë' me mjete rrethanore, 2 orë në këmbë për të pirë ujë! Në Radhimë rrezikohen bizneset e banesat, në flakë dhe Mali i Kuçit
M.Q./ReportTv.al