Hamasi mori propozimin e ndërmjetësve në Paris dhe konfirmoi se do ta studiojë atë dhe do të japë përgjigjen e tij "mbi bazën se prioriteti është ndalimi i agresionit, sulmit brutal në Gaza dhe tërheqja e plotë e forcave pushtuese nga Rripi". Ky është komenti i liderit të Hamasit, Ismail Haniyeh, i publikuar në Telegram, i cili megjithatë tha se ishte i disponueshëm për të “diskutuar çdo iniciativë apo ide serioze dhe praktike, me kusht që të çojë në një ndërprerje të plotë të agresionit”.
"Unë nuk dua një zgjerim të konfliktit në Lindjen e Mesme".
Kështu deklaroi Joe Biden duke folur me gazetarët përpara se të fluturonte për në Florida. Biden tha gjithashtu se kishte vendosur se si t'i përgjigjej sulmit kundër forcave amerikane në Jordani, i cili kushtoi jetën e tre ushtarëve.
Ushtria izraelite "neutralizoi tre terroristë" që ndodheshin brenda spitalit Avicena në Jenin. Sipas Ministrisë palestineze të Shëndetësisë "tre martirë u vranë nga forcat pushtuese brenda spitalit". Në një deklaratë, ushtria, siguria e brendshme dhe policia izraelite shpjeguan se ishte një "operacion i përbashkët" dhe se tre të vrarët ishin "një terrorist i Hamasit që fshihej në spital së bashku me dy terroristë të tjerë". Mediat izraelite dhe palestineze raportojnë se operacioni izraelit në spitalin Ibn Sina në Jenin, në Bregun Perëndimor, zgjati vetëm 10 minuta
Shefi i diplomacisë së BE-së, Josep Borrell në një deklaratë për mediat sqaron se BE nuk ka pezulluar fondet për UNRWA, Agjencia e Kombeve të Bashkuara për Ndihmën dhe Punën për Refugjatët Palestinezë.
"Angazhimet e vazhdueshme të financimit nga BE janë respektuar dhe financimi nuk është pezulluar”, thuhet në deklaratë.
Ai thekson se roli i Agjencisë së Kombeve të bashkuara është jetik për situatën në të cilën ndodhet Rripi i Gazës.
“Roli i UNRWA-s është jetik në rrethanat aktuale në Gaza”, thuhet në deklaratë. “2 milionë njerëz kanë nevojë të dëshpëruar për ndihmën e ofruar nga UNRËA dhe agjenci të tjera të OKB-së.”
Çfarë është UNRWA dhe pse disa vende po e pezullojnë financimin e saj?
UNRWA (Agjencia e Kombeve të Bashkuara për Ndihmën dhe Punën për Refugjatët Palestinë në Lindjen e Afërt) u themelua në vitin 1949 me një rezolutë të Asamblesë së Përgjithshme të OKB-së, pas luftës rreth themelimit të Izraelit, kur 700,000 palestinezë u larguan ose u dëbuan nga shtëpitë e tyre.
Bashkimi Evropian është një nga donatorët më të mëdhenj të UNRWA, duke siguruar rreth një të dhjetën e financimit të agjencisë së OKB-së sipas të dhënave të vitit 2022.
Që kur Izraeli filloi luftën e tij pas sulmeve të 7 tetorit, rreth një milion banorë të Gazës, ose gati 45% e popullsisë së enklavës, janë strehuar në shkolla, klinika dhe ndërtesa të tjera publike të UNRWA-s.
Pezullimi i financimit nga një numër në rritje i vendeve perëndimore për UNRWA ka ngritur pikëpyetje për fatin e 5.9 milionë refugjatëve të cilës i shërben.
Shtetet e Bashkuara dhe të paktën 12 nga aleatët e saj kanë tërhequr fondet për Agjencinë e Kombeve të Bashkuara për Ndihmën dhe Punën për Refugjatët Palestinë (UNRWA), pas akuzave të Izraelit se disa nga stafi i saj ishin të përfshirë në sulmin e Hamasit më 7 tetor.
Gaza
Ministria e Shëndetësisë në Gaza, e cila udhëhiqet nga Hamas, ka deklaruar ditën e sotme se 26.751 palestinezë janë vrarë nga sulmet izraelite që nga fillimi i luftës, më 7 tetor të vitit 2023.
Ndër të tjera ministria palestineze bën me dije se 65.636 palestinezë të tjerë janë plagosur nga luftimet e ashpra në Gaza.
Hamasi tha të martën se po shqyrtonte një propozim të ri për armëpushim dhe lirim të pengjeve në Gazë, të paraqitur nga ndërmjetësit pas bisedimeve me Izraelin, në atë që dukej të ishte nisma më serioze e paqes për muaj të tërë.
Një zyrtar i lartë i Hamasit tha se propozimi përfshinte një armëpushim me tre faza, gjatë të cilës grupi fillimisht do të lironte civilët e mbetur në mesin e pengjeve që i rrëmbeu më 7 tetor, pastaj ushtarët dhe në fund trupat e pengjeve që u vranë.
Zyrtari, i cili foli në kushte anonimiteti, nuk tregoi se sa do të zgjasin tre fazat ose çfarë parashikohej të pasonte fazën përfundimtare.
Por kjo është hera e parë që publikohen detaje të një propozimi të ri, që po shqyrtohet nga të dyja palët që nga ndërprerja e shkurtër e luftimeve në fund të nëntorit.
Propozimi i armëpushimit pasoi bisedimet në Paris, ku morën pjesë drejtori i CIA-s, William Burns, kryeministri i Katarit, shefi i shërbimit izraelit të zbulimit Mossad dhe kreu i shërbimit egjiptian të zbulimit.
Shefi i Hamasit, Ismail Haniyeh tha se do të shkonte në Kajro për të diskutuar propozimin, udhëtimi i tij të parë publik atje për më shumë se një muaj.
Por kryeministri izraelit Benjamin Netanyahu përsëriti zotimin e tij për të mos tërhequr trupat nga Rripi i Gazës deri në “fitoren përfundimtare”, që konfirmon hendekun e madh në qëndrimet publike të palëve ndërluftuese rreth asaj se çfarë duhet bërë për të ndalur luftimet qoftë edhe përkohësisht.
Hamasi, luftëtarët e të cilit sulmuan qytetet izraelite më 7 tetor duke vrarë 1200 njerëz dhe duke kapur 253 pengje, thotë se do të lirojë pengjet e mbetura vetëm si pjesë e një marrëveshjeje më të gjerë për t'i dhënë fund luftës përgjithmonë.
Izraeli, i cili sipas të dhënave të Hamasit, të pakonfirmuara në mënyrë të pavarur, ka vrarë më shumë se 26,000 palestinezë deri më tani në një luftë që ka shkatërruar territorin, thotë se nuk do të ndalojë së luftuari derisa grupi militant, që ka sunduar Gazën që nga viti 2007, të çrrënjoset plotësisht.
Netanyahu është nën trysni nga aleati më i afërt i Izraelit, Shtetet e Bashkuara për të përcaktuar një rrugë të qartë drejt përfundimit të luftës, dhe nën trysni brenda vendit nga të afërmit e pengjeve që druhen se negociatat janë mënyra e vetme për t'i kthyer ata në shtëpi. Por partitë e ekstremit të djathtë në koalicionin e tij qeverisës thonë se do të tërhiqen në vend që të miratojnë një marrëveshje për lirimin e pengjeve që lë Hamasin të paprekur.
SULMI NË SPITAL
Përparimet diplomatike u njoftuan disa orë pasi forcat specialie izraelite, të maskuar si punonjës mjekësorë dhe gra myslimane, hynë në një spital në Bregun Perëndimor dhe vranë tre militantë palestinezë, duke përfshirë një luftëtar të paralizuar që u qëllua për vdekje në shtratin ku po trajtohej.
Në pamjet e kamerave të sigurisë nga operacioni në spitalin Ibn Sina të qytetit të Xheninit në Bregun Perëndimor, shihen rreth 12 anëtarë të forcave speciale, duke përfshirë tre me veshje grash dhe dy të veshur si anëtarë të personelit mjekësor palestinez, duke kaluar nëpër një korridor me pushkë në duar.
Hamasi tha se një nga të vrarët ishte anëtar i tyre. Xhihadi Islamik tha se dy të vrarët e tjerë ishin vëllezër që i përkisnin organizatës së tyre. Zyrtarët e spitalit Ibn Sina thanë se njëri nga vëllezërit kishte marrë trajtim për një lëndim që i kishte paralizuar këmbët.
Ushtria izraelite tha se njëri nga të vrarët ishte i armatosur dhe njëri po planifikonte një sulm ndaj Izraelit të ngjashëm me atë të 7 tetorit nga brenda spitalit. Ai tha se incidenti tregoi se militantët po përdornin zonat civile dhe spitalet për t’u fshehur dhe si "mburoja njerëzore"./ VOA
Joe Biden
"Unë nuk dua një zgjerim të konfliktit në Lindjen e Mesme". Kështu deklaroi Joe Biden duke folur me gazetarët përpara se të fluturonte për në Florida.
Biden tha gjithashtu se kishte vendosur se si t'i përgjigjej sulmit kundër forcave amerikane në Jordani, i cili kushtoi jetën e tre ushtarëve.
Këtë e deklaroi ai vetë, duke folur për gazetarët teksa po largohej nga Shtëpia e Bardhë për në Florida për një takim elektoral.
"Unë nuk mendoj se ne kemi nevojë për një luftë më të gjerë në Lindjen e Mesme, kjo nuk është ajo që unë po kërkoj", tha Biden.
Foto nga Gaza
Në sytë e tre vajzave të para palestineze të shtruara në spitalin Gaslini në Xhenova nga Rripi i Gazës, "mund të shihni vërtet vuajtjet, ato janë me shumë përvojë, mbani parasysh se ajo që thuhet nuk është "propagandë".
Operacionet në Rripin e Gazës bëhen në spitale dhe në terren pa anestezi”, shpjegon shefi i reanimacionit të spitalit Gaslini, Andrea Moscatelli, duke komentuar mbërritjen në Itali të të miturve të parë të plagosur që priten nga misioni humanitar i drejtuar nga gjenovezët.
Tre vajzat e mbërritura nga Gaza gjatë natës janë shtruar në repartin e ortopedisë.
Është nënshkruar një bashkëpunim midis Gaslinit dhe Emirateve të Bashkuara Arabe për të trajtuar fëmijët palestinezë drejtpërdrejt në vendin e Lindjes së Mesme, "bashkëpunimi ka filluar tashmë me një ekip neurokirurgjik nga Gaslini në Emiratet e Bashkuara Arabe dhe do të vazhdojë me një alternim të spitaleve", shpjegon Moscatelli.
Benjamin Netanyahu
Kryeministri izraelit, Benjamin Netanyahu, tha të martën (29 Janar) se Izraeli nuk do të tërhiqte forcat nga Rripi i Gazës dhe as nuk do të lironte mijëra të burgosur të sigurisë palestineze, duke hedhur poshtë raportet e mediave për disa kushte të një marrëveshjeje të mundshme armëpushimi me Hamasin.
“Ne nuk do ta përfundojmë këtë luftë pa arritur të gjitha objektivat e saj. Kjo nënkupton shkatërrimin e Hamasit, lirimin e të gjithë pengjeve dhe sigurimin që Gaza nuk do të përbëjë më kërcënim për Izraelin”, tha Netanyahu.
Sipas mediave, bëhej fjalë për një marrëveshjeje midis Izraelit dhe Hamasit që do të përfshinte një armëpushim deri në gjashtë javë.
Më herët sot, udhëheqësi i Hamasit, Ismail Haniyeh tha se grupi kishte marrë një propozim për armëpushim dhe se ai do të shkonte në Kajro për të disktutuar diçka të tillë.
Itamar Ben-Gvir, ministri i Sigurisë Kombëtare i ekstremit të djathtë në kabinetin e Netanyahut la të kuptohet më herët në një postim në mediat sociale se ai do të largohej nga qeveria e unitetit kombëtar dhe kabineti i luftës nëse do të kishte një “marrëveshje të pamatur” me Hamasin.
Ndërkohë lideri i opozitës Yair Lapid një kritik i zëshëm i qeverisë së Netanyahut, ka thënë se partia e tij do të mbështesë “çdo marrëveshje që sjell pengjet në shtëpi”.
Nasser Kanani
Zëdhënësi i Ministrisë së Jashtme të Iranit, Nasser Kanani, ka dënuar ashpër sulmin vdekjeprurës izraelit në spitalin Ibn Sina.
“Vendet dhe organizatat ndërkombëtare pritet të mos qëndrojnë indiferentë ndaj kësaj lëvizjeje terroriste dhe ta identifikojnë këtë akt barbar, i cili mund të krijojë bazat për normalizimin e terrorizmit të organizuar, si një alarm paralajmërues për komunitetin global dhe ta dënojnë fuqishëm atë”, tha ai në një deklaratë, raporton Al Jazeera.
Ai tha se është për të ardhur keq që mbështetësit e Izraelit dënojnë “mbrojtjet legjitime të kombit palestinez kundër okupimit” ndërsa qëndrojnë të heshtur ndërsa “makina e gjenocidit të sionistëve” po ecën përpara
Antony Blinken
Provat e ofruara nga Izraeli kundër disa punonjësve të UNRWA-s , të akuzuar për përfshirje në sulmin e nisur nga Hamasi më 7 tetor, janë "shumë të besueshme".
Kështu ka deklaruar Sekretari amerikan i Shtetit, Antony Blinken, duke saktësuar se “nuk ka pasur mundësi të hetojë”.
Shefi i diplomacisë amerikane theksoi se agjencia e OKB-së për palestinezët luan një rol "të domosdoshëm" në ofrimin e ndihmës për civilët në Rripin e Gazës dhe se "askush tjetër nuk mund ta bëjë këtë, sigurisht jo në afat të shkurtër".
Prandaj, nevoja "imperative" që UNRWA të kryejë një hetim të menjëhershëm dhe t'i adresojë akuzat "sa më tërësisht të jetë e mundur".
William Burns
Drejtori i CIA-s, William Burns, beson se çelësi i sigurisë së Izraelit dhe të gjithë rajonit është “ballafaqimi me Iranin”.
Burns, i cili ishte në Paris për negociata shumëpalëshe mbi luftën e Izraelit në Gaza, e dha deklaratën për gazetën amerikane Foreign Affairs.
“Regjimi iranian është trimëruar nga kriza dhe duket i gatshëm të luftojë deri në përfaqësuesin e tij të fundit rajonal, duke zgjeruar programin e tij bërthamor dhe duke mundësuar agresionin rus”, tha ai.
Burns nuk u shpreh në mënyrë specifike se si beson se SHBA duhet të veprojë ndaj Iranit, me komentet që erdhën menjëherë pasi Rezistenca Islamike e mbështetur nga Teherani në Irak pretendoi një sulm me dron që vrau tre ushtarë amerikanë, raporton Al Jazeera.
Sipas tij, asnjë nga problemet në të gjithë Lindjen e Mesme nuk mund të menaxhohet ose zgjidhet pa “udhëheqje aktive të SHBA”.
Familjarët duke mbajtur pankarta me fotot e pengjeve
Një marrëveshje për lirimin e pengjeve dhe armëpushimin e mundshëm në luftën midis Hamasit dhe Izraelit dakordësua mes negociatorëve në Paris këtë fundjavë, sipas një zyrtari të njohur me bisedimet.
Bisedimet janë në një fazë të hershme dhe shumë detaje do të duhet të përpunohen nëse Hamasi pranon. Katari i ka paraqitur propozimin liderëve politikë të Hamasit, të cilët do t’ia përcjellin atë udhëheqësve ushtarakë të grupit. Ky proces mund të zgjasë ditë ose edhe më gjatë.
Në kuadrin e propozuar, Hamasi do të lirojë pengje të moshuar, gra dhe fëmijë gjatë periudhës së pauzës prej gjashtë javësh, thanë zyrtarët, të cilët ranë dakord të flisnin në kushte anonimiteti.
Disa zyrtarë izraelitë thonë se numri i pengjeve për lirimin e parë është 30 deri në 35, por ky është një vlerësim dhe negociatorët nuk e dinë numrin aktual. Është e paqartë nëse ushtarët femra do të përfshihen në pengjet e liruara në planin që po diskutohet, raporton CNN.
Hamasi mori peng 240 persona në sulmet terroriste në jug të Izraelit më 7 tetor, të cilat gjithashtu rezultuan në rreth 1200 të vdekur, thanë zyrtarët izraelitë.
Që nëntori, bisedimet për lirimin e pengjeve kishin ngecur. Kushtet u vendosën të dielën në Paris nga përfaqësues të Shteteve të Bashkuara, Izraelit, Katarit dhe Egjiptit.
Uilliam J. Burns, drejtori i Agjencisë Qendrore të Inteligjencës, mori pjesë, si dhe krerët e shërbimit të inteligjencës izraelite, Mossad, dhe agjencisë së sigurisë së brendshme, Shin Bet.
Një zyrtar tha se Burns ishte shumë i dobishëm për t’i bërë përfaqësuesit izraelitë të binin dakord me disa nga sugjerimet. Blinken nuk pranoi të jepte detaje në një konferencë shtypi pasdite, duke thënë se “sa më pak të thuhet, aq më mirë”.
Por ai tha se propozimi tani në tryezë është “një propozim bindës”.
Foto nga Gaza pas bombardimeve izraelite
Të paktën 26,751 palestinezë janë vrarë dhe 65,636 janë plagosur nga forcat izraelite në Gaza që nga 7 tetori, tha ministria e shëndetësisë së Gazës në një deklaratë të martën (30 Janar).
Ministria, e cila kontrollohet nga Hamasi, tha se 114 palestinezë u vranë dhe 249 u plagosën në 24 orët e fundit.
OCHA, organi i OKB-së për të drejtat e njeriut, tha se 367 palestinezë janë vrarë, përfshirë 94 fëmijë, në Bregun Perëndimor të pushtuar nga Izraeli gjatë së njëjtës periudhë.
Izraeli pretendon se ka vrarë 9 mijë ushtarë brenda Gazës.
Komandot izraelite ‘të veshur si doktorë’ kanë kryer mëngjesin e sotëm bastisjen e një spitali në Bregun Perëndimor.
Lajmi është konfirmuar edhe nga policia dhe ushtria izraelite të cilët theksuan se komandot kishin vrarë tre luftëtarë, njëri prej të cilëve Izraeli pretendon se ishte anëtar i Hamasit.
Dy të tjerët i përkisnin fraksionit të Xhihadit Islamik Palestinez, raporton Sky News.
CCTV që qarkullon mes mediave izraelite këtë mëngjes tregon disa persona të veshur me veshje grash apo pacientësh apo personel mjekësor që duket se mbante një karrocë me rrota, duke ecur me armë nëpër një korridor të spitalit Ibn Sina në Jenin. Pamjet ende nuk janë verifikuar.
Foto nga ushtarët izraelit brenda spitalit të veshur si palestinezë
Antony Blinken
Sekretari amerikan i Shtetit, Antony Blinken, do të vizitojë Izraelin gjatë fundjavës, në vizitën e tij të gjashtë në rajon që nga fillimi i luftës së Izraelit në Gaza.
Diplomati amerikan do të jetë në Izrael nga e shtuna deri të hënën, njoftuan mediat izraelite, duke shtuar se Blinken do të takohet me Koordinatoren e sapoemëruar Humanitare dhe Rindërtimit të OKB-së për Gazën, Sigrid Kaag, përpara se të niset për në Izrael.
Gjatë vizitës së tij të pestë në rajon në fillim të janarit, Blinken vizitoi Izraelin, Turqinë, Greqinë, Jordaninë, Katarin, Emiratet e Bashkuara Arabe, Arabinë Saudite, Bregun Perëndimor të pushtuar dhe Egjiptin.
Ismail Haniyeh
Hamasi mori propozimin nga ndërmjetësit në Paris dhe konfirmoi se do ta studiojë atë dhe do të japë përgjigjen e tij "në bazën se prioriteti është ndalimi i agresionit, sulmit brutal në Gaza dhe tërheqja e plotë e forcave pushtuese nga Gaza".
Ky është komenti i liderit të Hamasit, Ismail Haniyeh, i publikuar në Telegram, i cili megjithatë tha se ishte i disponueshëm për të “diskutuar çdo iniciativë apo ide serioze dhe praktike, me kusht që të çojë në një ndërprerje të plotë të agresionit”.
Foto brenda spitalit në Jenin
Hamasi tha se "krimet e ushtrisë izraelite nuk do të mbeten pa përgjigje" pas vrasjes së tre terroristëve të dyshuar palestinezë në spitalin Ibn Sina në Jenin, Bregu Perëndimor.
Organizata islamike tha se vrasjet ishin një "vazhdim i krimeve të vazhdueshme të okupimit kundër popullit tonë nga Gaza në Jenin" dhe theksoi se njëri nga burrat u plagos.
Nga tre burrat, Hamasi konfirmoi se njëri ishte një nga anëtarët e tij dhe një tjetër ishte pjesë e Brigadës Jenin. I treti ishte gjithashtu një luftëtar palestinez. Luftëtarët palestinezë "nuk do të frikësohen nga vrasjet apo do të dobësohen nga krimet e armikut frikacak", shtoi Hamasi.
Ushtarë të Hamasit
Hamasi dhe Fronti Popullor për Çlirimin e Palestinës (PFLP), të cilët u takuan në Bejrut, përsëritën në një shënim të publikuar në Telegram se "nuk do të ketë shkëmbim të të burgosurve derisa të ndalet agresioni i Izraelit në Gaza".
Gazeta Haaretz raportoi gjithashtu një deklaratë të udhëheqësit të Hamasit, Osama Hamdan, sipas të cilës fraksioni islamik ende nuk e ka marrë marrëveshjen e propozuar të hartuar në Paris nga ndërmjetësit.
“Ajo që raportohet nga mediat e armikut për një marrëveshje të pritshme synon të kënaqë familjet e ndaluara nga rezistenca”, tha ai.
