Melodia e Champions League do dëgjohet edhe këtë të mërkurë në gjashtë stadiume evropiane. Duke nisur nga ora 18:45 në Athinë, Olympiacos pret debutuesit e Pafos FC, me qipriotët që janë befasia e madhe e sezonit. Po në këtë orar, Slavia e Pragës luan në shtëpi kundër Bodo/Glimt.
Në orën 21:00 janë programuar katër duelet e tjera. Sfida që spikat më shumë është ajo mes Bayern Munich dhe Chelsea në Gjermani, apo dueli mes Liverpool dhe Atletico Madrid në 'Anfield'.
Në 'Parkun e Princave', kampionët në fuqi të PSG-së luajnë kundër Atalantës së Berat Gjimshitit. Ndërkohë që Interi ka një përballje jo të lehtë në letër, pasi italianët udhëtojnë për në Amsterdam ku i pret Ajax.
Të martën u zhvilluan gjashtë ndeshjet e para, ndërsa raundi i parë i fazës së ligës mbyllet të enjte me gjashtë duelet e fundit.
Champions League, faza e ligës - Ndeshjet e para:
E martë, 16 shtator 2025
18:45
Athletic Bilbao 0-2 Arsenal
PSV 1-3 Royale Union SG
21:00
Benfica 2-3 Qarabag
Juventus 4-4 Dortmund
Real Madrid 2-1 Marseille
Tottenham 1-0 Villarreal
E mërkurë, 17 shtator 2025
18:45
Olympiacos - Pafos FC
SK Slavia Praga - Bodo/Glimt
21:00
Ajax - Inter
Bayern Munich - Chelsea
Liverpool - Atletico Madrid
PSG - Atalanta
E enjte, 18 shtator 2025
18:45
Club Brugge - Monaco
Copenhagen - Bayer Leverkusen
21:00
Eintracht Frankfurt - Galatasaray
Manchester City - Napoli
Neëcastle - Barcelona
Sporting Lisbone - Kairat Almaty
Manchester City dhe Napoli luajnë të enjten në orën 21:00 në 'Etihad' për raundin e parë në fazën e ligës të Champions League. Në prag të ndeshjes foli edhe Pep Guardiola. Trajneri i 'Qytetarëve' tha se duan të harrojnë edicionin e kaluar dhe të jenë pjesë e tetë ekipeve më të mira, duke shijuar momentin që po kalojnë. Fjalë të mira kishte spanjolli edhe për yjet e Napolit, Scott McTominay apo Kevin De Bruyne, ish-fantazistin e tij te City. Pep nuk e sheh Cityn e tij si favorit.
"Ne gjithmonë kemi pasur portierë të jashtëzakonshëm gjatë dekadës së fundit", tha ai, duke iu referuar mbërritjes së Donnarummas. "Gigio ka luajtur në nivelet më të larta për shumë vite dhe në moshën 26 vjeç, ai mund të qëndrojë me ne për një kohë të gjatë. Ai është padyshim një portier i nivelit të lartë.
A është City favorit? Me sa duket jo. Ne thjesht duam të shijojmë momentin dhe shpresojmë të fillojmë më mirë se vitin e kaluar, kur barazuam ndeshjen e parë kundër Interit", tha ai.
Guardiola tregoi edhe risitë si një trajner për formulën e re të Champions që aplikohet për herë të dytë këtë sezon.
"Faza e parë ka qenë gjithmonë e ndërlikuar, por më parë mund të mendonit për grupin dhe të vëzhgonit kundërshtarët, por në këtë format nuk mundeni. Është më e pasigurt, thjesht duhet të sillni në shtëpi sa më shumë pikë të jetë e mundur për të hyrë në 8 vendet e para ose në mënyrë alternative në 24 vendet e para", tregoi ai.
Më pas Pep foli edhe për yjet e Napolit, duke thënë se janë në gjendjen e tyre më të mirë.
"Nuk jam i befasuar nga Scott McTominay, ai është në gjendje të shkëlqyer. Ai luajti për një ekip që fitoi Serie A dhe kur fiton diçka, kjo gjithmonë do të thotë se çdo lojtar ka performuar në mënyrën më të mirë.
Kevin De Bruyne? E dija që do ambientohej menjëherë, nuk është surprizë për mua", tregoi ai mes të tjerash.
Atletico Madrid rikthehet në 'Anfield' për një tjetër përballje kundër Liverpoolit në Champions League, sot në orën 21:00. Trajneri i spanjollëve, Diego Simeone, i cili në të kaluarën ka dalë fitues nga ky stadium i zjarrtë, shfaqet i motivuar por edhe i kujdesshëm përpara sfidës hapëse të sezonit në turneun evropian.
"Është gjithmonë emocionuese të përballesh me një kundërshtar të tillë, me një stadium dhe tifozëri fantastike, si dhe me një trajner që i ka udhëhequr ata drejt sukseseve në Premier League dhe Champions League. Ata do të jenë shumë të vështirë, por ne do të përpiqemi ta çojmë ndeshjen aty ku na përshtatet më mirë,” tha Simeone në konferencën për shtyp.
Edhe pse Atletico do të përballet me disa mungesa të rëndësishme, tekniku argjentinas nuk kërkon justifikime.
“Mungesat nuk janë kurrë pozitive, por janë pjesë e futbollit. Ne jemi të fokusuar te lojtarët që do të fillojnë dhe të sigurohemi që ata të tregojnë gjithçka që kanë.”
Për Simeonen, gjithçka do të vendoset në detaje dhe në përgatitjen mendore.
“Jam i përqendruar vetëm te zhvillimi i një ndeshjeje të shkëlqyer. Vertikaliteti i Liverpoolit, tranzicionet e shpejta dhe forca e anësorëve e bëjnë këtë përballje të vështirë, por duhet të jemi gati ta çojmë ndeshjen aty ku ne ndihemi më të fortë", tha ai.
Liverpooli kërkon hakmarrje për eliminimin e dhimbshëm nga madrilenët, ndërsa Simeone dhe djemtë e tij synojnë ta konfirmojnë edhe njëherë reputacionin si “makthi i Anfield”.
Për Liverpoolin mungojnë emra si Chambers, Jones apo Scanlon dhe i padisponueshmi për në Champions League, Chiesa. Te Atletico trajneri Simeone duhet të bëjë pa Almada, Julian Alvarez, Baena, Cardoso apo Gimenez.
Komente
