Një tjetër rekord infektimesh me koronavirus u regjistrua këtë të premte në Shqipëri. Në 24 orët e fundit u regjistruan 289 raste të reja nga 1402 testime të kryera.
Rastet pozitive të konfirmuara në 24 orët e fundit janë identifikuar në këto bashki: 113 raste në Tiranë, 34 raste në Fier, 23 raste në Durrës, 19 raste në Vlorë, 16 raste në Korçë, 12 raste në Shkodër, Elbasan, 10 raste në Krujë, 9 raste në Lezhë, 6 raste në Berat, 5 raste në Kurbin, Pogradec, Dibër, 4 raste në Kuçovë, 3 raste në Patos, 2 raste në Kavajë, Lushnje, Malësi e Madhe, Klos, 1 rast në Mallakastër, Librazhd, Delvinë, Tepelenë, Peqin.
Fatkeqësisht 4 persona të tjerë kanë humbur jetën. Një prej tyre është një 37-vjeçar nga Korça i cili sipas njoftimit të Ministrisë së Shëndetësisë ishte pa sëmundje bashkëshoqëruese. Burime për Report Tv bëjnë me dije se edhe babai i tij ishte i infektuar. Ai shpëtoi ndërsa 37-vjeçari nuk arriti të fitojë betejën me koronavirusin duke lënë pas dhe dy fëmijë, 9 muajsh dhe 4 vjeç.
Ndërkohë betejën me koronavirusin e kanë humbur dhe një 52 vjeçare nga Mirdita, një 81 vjeçar nga Tirana dhe një 85 vjeçar nga Fier. Janë shëruar 93 qytetarë, duke e çuar në 9957 numrin e të shëruarve në vend që prej fillimit të epidemisë.
Aktualisht në spitalin Infektiv dhe “Shefqet Ndroqi” po trajtohen 255 pacientë, 21 në terapi intensive nga të cilët 4 pacientë janë të intubuar.
COVID-19 – Statistika (16 Tetor 2020)
Raste të reja ditore 289
Të shëruar ne 24 orë 93
Humbje jete në 24 orë 4
Testime ditore 1402
Testime totale 104,804
Raste pozitive 16501
Raste të shëruara 9957
Raste Aktive 6101
Humbje jete 443
Shpërndarja gjeografike e rasteve aktive sipas qarqeve:
Tiranë 3001
Durrës 648
Shkodër 450
Fier 364
Korçë 342
Lezhë 311
Elbasan 265
Vlorë 224
Berat 182
Kukës 165
Dibër 84
Gjirokastër 65
Ditën e sotme në qytetin e Vlorës janë konfirmuar pozitiv 19 persona. Mes të prekurve rezulton të jetë një sanitare që punon në drejtorinë e kujdesit shëndetësor. Raste pozitive ka pasur edhe në Kadastër dhe konvikte.
Sipas burime konfirmohet se ka rezultuar pozitiv edhe një punonjës i Bashkisë së Selenicës. Rastet e tjera të konfirmuara me COVID-19 janë pensionistë dhe persona të biznesit privat.
Një punonjëse e Gjykatës Berat ka rezultuar pozitive me Covid-19.
Pas këtij rasti të gjithë punonjësve iu është bërë tamponi ditën e sotme.
Nga sot është marrë vendimi që në gjykatë do të shqyrtohen vetëm masat e arrestit dhe gjyqet urgjente, deri në daljen e përgjigjeve te tamponeve.
Ditët e fundit në të gjithë vendin janë shtuar rastet me Covid 19, ku dje u shënua rekordi më i madh që nga fillimi i pandemisë.
Komente
riten testimet ritet dhe numri i te prekurve. Kjo eshte duhet ta leme te iki vete. Testimet po te riteshin nje muaj me pare ose dy muaj me pare,rezultati do ishte ky qe doli sot.Nuk eshte ritur numri i te prekurve por eshte ritur numri i testimeve.Sa me shume te marim masa mbrojtese, vetem do i zgjasim kohen virusit qe te jete ne mesin tone.
Përgjigju