Janë kthyer sot në atdhe 67 vjet pas vdekjes, eshtrat e ish-prefektit të Tiranës Qazim Mulleti. Arkëmorti i veshur me flamurin kombëtar mbërriti rreth orës 07:00 të mëngjesit të sotëm (25 gusht 2023) në Portin e Durrësit dhe pas kryerjes së procedurave, eshtrat u nisën drejt Tiranës, vendlindjes së tij ku edhe do të prehet.
Arkëmorti me eshtrat e ish-prefektit të Tiranës Qazim Mulleti, mbërriti në atdhe pas një kalvari përpjekjesh të familjarëve e intelektualëve kryeqytetas që daton që prej vitit 1991. Pasardhës e miq të tyre e cilësuan këtë ngjarje mision të përmbushur dhe shprehën bindjen se, nga sot nis rehabilitimi i kësaj figure aq të anatemuar.
Për të pritur eshtrat, në Durrës ishin pasardhës të Mulletit, të cilët e shohin si mision të përmbushur këtë ngjarje.
Në Port, i pranishëm ishte edhe një nga iniciatorët e sjelljes së eshtrave të Mulletit në atdhe, ish-prefekti i Tiranës Sadri Vorpsi
Arben Tafaj, kryetar i Shoqatës “Tirana” tha së tanimë do të nisë rehabilitimi i figurës së ish-prefektit të Tiranës, deri vonë i anatemuar.
Ndërsa juristi Shkëlqim Hajdari shprehu bindjen se nga sot shqiptarët do ta njohin figurën e vërtetë të Qazim Muletit.
Ceremonia e rivarrimit tij do të mbahet në 28 gusht në Shish-Tufinë. Qazim Mulleti ndërroi jetë në Romë më 28 gusht 1956 dhe është lajmëruar se ceremonia e varrimit të tij në varrezat e Shish Tufinës në kryeqytet më 28 gusht.
Lidhur me rolin e Mulletit në histori së fundmi ka pasur një sërë diskutimesh edhe për trajtimin që i është bërë kësaj figure ndër të tjera në komedinë “Prefekti” të Besim Levonjës. Debati përfshiu dhe njerëz të medies, historianë e politikanë dhe si pasojë u pezullua rivënia e shfaqjes.
Kanë mbërritur sot në atdhe nga Roma eshtrat e ish-prefektit të Tiranës, Qazim Mulletit. Miq dhe të afërm të tij kanë dalë në Portin e Durrësit që të presin arkëmortin.
Mbesa e Qazim Mulletit falënderoi të gjithë ata që kanë kontribuar për sjelljen e eshtrave të tij në atdhe.
‘Pres eshtrat e xhaxhait tim Qazim Mulleti që po kthehen sot, falënderoj të gjithë ata që bënë të mundur që të vijën eshtrat e tij në Tiranë. U jemi mirënjohës të gjithëve që i sollën. Kemi shkruar në Romë ku ka qenë varri i tij. Ishte depozituar në ambientet e funeralit.’- tregon mbesa e tij Fatbardha Saraçi Mulleti.
Nipi i tij tha se Qzim Mulleti ka shkrirë pasurinë e tij për Shqipërinë Europiane.
‘Ai shkrirë jetën pasurinë, shpinë e vet, për Shqipërinë Europiane. Sot fitoi linja e tij linja e bashkimit kombëtar. Kufiri është formal. U bashkua ideja tij! Jam shumë i gëzuar. Vuajtëm, por e mbërritëm këtë ditë!’- tha një i afërm i tij.
Shkëlqim Hajdari tha se procedura për sjelljen e eshtrave nuk ka qenë fort e thjeshtë.
‘Ka qenë një kënaqësinë e madhe që unë dhe Beni ti bashkangjitemi vullnetit të familjes Mulleti për të mbërritur në këtë ditë të madhe. Ka qenë një procedurë jo e lehtë. Kjo është një ditë e lumtur për të gjithë Tiranën. Nga sot vijon rehabilitimi i Qazim Mulletit të vërtetë. Shqiptarë do të kuptojnë që Qazim Mulleti ishte një figurë qytetarë e patriotike dhe i arsimuar.’- u shpreh Shkëlqim Hajdari.
Kryetari i Shoqatës Tirana, Arben Tafaj u shpreh se ka shumë aktorë të cilët duhet të koordinohen dhe të nxjerrin në pah figura të tilla.
‘Përpjekjet për rehabilitimin e Qazim Mulletit nuk kanë munguar asnjëherë. Nuk ka qenë aspak e lehtë. Ka shumë aktorë në mjedisin tonë, të cilët duhet të koordinohen dhe të nxjerrin në pah figura të tilla që deri më sot janë anatemuar.’- u shpreh Arben Tafaj.
Një nga iniciatorët e sjelljes së eshtrave të Qazim Mulletit në atdhe, ish-prefekti i Tiranës Sabi Vorbsi tha se të gjithë pa dallim politik janë mbledhur për të respektuar eshtrat e figurës së Mulletit.
"Për sa i përket debatit, normalisht kjo është një çështje që i përket historianëve dhe do ja lejmë atyre. E rëndësishme është që ne sot, së bashku pa dallim bindjesh politike jemi këtu për të respektuar këtë figurë të qytetarëve të Tiranës”, u shpreh Sadi Vorbsi.
Komente
E kuptoj qe per familjen eshte ngjarje e rendesishme, por keto nuk jane çeshtje qe sqarohen me breaking news neper portale. Ai mund te kete qene njeri i mirearsimuar dhe atdhetar por duke bashkepunuar me pushtuesit italiane ka kompromentuar rende veten. Ta pershkruash si hero eshte po aq e gabuar sa ta trajtosh si karikature. Ne shqiptaret duhet te mesojme t’i trajtojme figurat historike si njerez. Njerezit jane komplekse dhe duhet analizuar me gjithe dritehijet e tyre. Vetem po u analizua historia me gjakftohtesi dhe seriozitet mund te nxirren mesime per te ardhmen.
PërgjigjuÇdo kush ka tëprehet në tokën amë,por mos ihiperbolizoni kaq shumë,se ka dhe dokumenta të kohës.Një këshill për ndokënd o të jet polic,oprokuror,ooo historian se nuk shkojnë aq shumë zanate.
Përgjigju