VLORË - Kategoria e Parë e futbollit në Shqipëri mbylli këtë të enjte raundin e dhjetë. Në Vlorë, Flamurtari vendas fitoi 2-1 kundër Lushnjës në "frymën e fundit" për të kryesuar i vetëm renditjen me 27 pikë, dy më shumë se ndjekësit e Vorës.
Me fillim nga ora 14:00, nën një atmosferë të ngrohtë nga rreth 1 mijë tifozë në stadium, Flamurtari zhbllokoi ndeshjen me supergolin e Lorenc Trashit nga afro 25 metra pas 15 minutash.
Pjesa e dytë solli golin e lagunarëve me Kaçanollin në minutën e 80-të, ndërsa Lushnja pas barazimit mbeti me një lojtar më pak pas daljes me karton të kuq të Korreshit.
Duhej aksioni i fundit dhe krosimi nga këndi në minutën e 90+8 që Atanda të shënonte golin e fitores për Flamurtarin me kokë, duke ndezur festën për të besuarit e Andrea Agostinelit.
Renditja në Kategorinë e Parë
