Champions League zhvilloi të mërkurën (9 prill) dy sfidat e mbetura çerekfinale për përballjet e para të vajtjes. Barcelona dhe PSG siguruan sukses të plotë, duke hedhur një hap për në gjysmëfinale. Duelet e kthimit do zhvillohen më 15 prill.
Në 'Olimpic Lluis Companys' Barcelona fitoi 4-0 kundër Dortmundit. Katalanasit e Hansi Flick dominuan takimin dhe avantazhin e gjetën pas 25 minutave lojë me golin e Raphinhas. Pasimi i Cubarsi u shfrytëzua nga kapiteni që gëzoi tifozët. Fraksioni i dytë vërtetoi lojën e mirë të Barçës dhe në minutën e 48-të Raphinha bëri 'kamerierin' duke pasuar për Lewandowskin, aty ku polaku nuk mund të gabonte. Sërish Lewa-golski shënoi golin e tretë të ndeshjes në minutën e 66-të, duke vërtetuar se 36-të vitet mbi supe janë thjesht një numër. Spektakli i Barçës nuk u ndal me kaq, pasi Raphinha asistoi sërish në minutën e 77-të, këtë herë për Yamal dhe djaloshi i artë "vulosi" sfidën në 4-0 për të pasur avantazh të mjaftueshëm në ndeshjen e kthimit që luhet në Dortmund në datën 15 prill.
Në "Parkun e Princave" në Paris, kampionët e Francës, PSG përmbysi 3-1 Aston Villan. Ishin miqtë nga Birminghami që befasuan dhe në minutën e 35-të shënuan një gol për manual me Rogers. Vetëm katër minuta më vonë Doue vendosi ekuilibrat me një supergol nga jashtë zone, duke shtangur në katërkëndësh Emi Martinez. Djemtë e Luis Enriques dolën nga dhomat e zhveshjes me tjetër lojë dhe në minutën e 49-të gjetën avantazhin me Kvaratskhelia. Në shtesën e dytë të ndeshjes Nuno Mendes shënoi edhe golin e tretë për vendasit, me duelin që u mbyll 3-1.
Tanimë përballjet e para të fazës gjysmëfinale të CHL janë mbyllur dhe skuadrat po përgatiten për ato të kthimit, që luhen më 15 dhe 16 prill.
Champions League, faza çerekfinale - Ndeshjet e para:
E martë, 8 prill 2025
Arsenal 3-0 Real Madrid
Bayern Munich 1-2 Inter
E mërkurë, 9 prill 2025
Barcelona 4-0 Dortmund
PSG 3-1 Aston Villa
Rruga drejt finales:
Në "Parkun e Princave" në Paris, kampionët e Francës, PSG përmbysi 3-1 Aston Villan. Ishin miqtë nga Birminghami që befasuan dhe në minutën e 35-të shënuan një gol për manual me Rogers. Vetëm katër minuta më vonë Doue vendosi ekuilibrat me një supergol nga jashtë zone, duke shtangur në katërkëndësh Emi Martinez. Djemtë e Luis Enriques dolën nga dhomat e zhveshjes me tjetër lojë dhe në minutën e 49-të gjetën avantazhin me Kvaratskhelia. Në shtesën e dytë të ndeshjes Nuno Mendes shënoi edhe golin e tretë për vendasit, me duelin që u mbyll 3-1.
Në 'Olimpic Lluis Companys' Barcelona fitoi 4-0 kundër Dortmundit. Katalanasit e Hansi Flick dominuan takimin dhe avantazhin e gjetën pas 25 minutave lojë me golin e Raphinhas. Pasimi i Cubarsi u shfrytëzua nga kapiteni që gëzoi tifozët. Fraksioni i dytë vërtetoi lojën e mirë të Barçës dhe në minutën e 48-të Raphinha bëri 'kamerierin' duke pasuar për Lewandowskin, aty ku polaku nuk mund të gabonte. Sërish Lewa-golski shënoi golin e tretë të ndeshjes në minutën e 66-të, duke vërtetuar se 36-të vitet mbi supe janë thjesht një numër. Spektakli i Barçës nuk u ndal me kaq, pasi Raphinha asistoi sërish në minutën e 77-të, këtë herë për Yamal dhe djaloshi i artë "vulosi" sfidën në 4-0 për të pasur avantazh të mjaftueshëm në ndeshjen e kthimit që luhet në Dortmund në datën 15 prill.
Komente
