Lautaro Martinez, një goditje e fortë për Interin. Në minutat e fundit të pjesës së parë të ndeshjes së parë gjysmëfinale të Ligës së Kampionëve kundër Barcelonës (3-3), kapiteni i zikaltërve ndalet dhe vendos duart mbi fytyrë, pastaj kërkon të qëndrojë në fushë, edhe pse praktikisht po çalon.
Dhe në fakt, zëvendësimi është i pashmangshëm. Me t’u rikthyer në fushë pas pushimit, Simone Inzaghi bëri një zëvendësim. "Demi" doli jashtë, duke vuajtur nga një tërheqje muskulore në kofshën e majtë dhe Taremi u fut në vendin e tij.
Ai do t'i nënshtrohet testeve mjekësore midis të enjtes dhe të premtes. "Ai vinte nga tetë ndeshje radhazi, ekziston ky rrezik. Shpresojmë të mos e humbasim kapitenin tonë i cili duhej të ngrinte flamurin e bardhë, por kam disa dyshime.
Do të jetë shumë e vështirë të rikuperojmë Lautaron për ndeshjen e kthimit. Të martën ndoshta do të luajmë pa kapitenin tonë dhe kjo do të jetë tashmë një finale për ne", tha Simone Inzaghi për Prime pas ndeshjes për gjendjen e Lautaros.
Komente
