FT/ Serbi 2 - 3 Zvicër (Mitrovic 27', Vlahovic 35' / Shaqiri 20', Embolo 44', Freuler 48')
Zvicra fitoi 2-3 me Serbinë në grupin G të Kupës së Botës, me helvetët që lënë jashtë kompeticionit serbët. Dramatike 90 minutat në Doha, teksa për Zvicrën shënoi edhe Xherdan Shaqiri për të kualifikuar skuadrën e tij në 1/8. Në fund pati edhe tension mes Granit Xhakës dhe futbollistëve serbë.
Ndeshja nisi mirë për Zvicrën, teksa Shaqiri me një gol të bukur shënoi pas 20 minutave lojë. Asisti i Sow bëri që Shaqiri të tundte rrjetën duke bërë që të kishte gol shqiptar edhe në këtë Botëror.
Në minutat 26 dhe 35 Serbia përmbysi ndeshjen me Mitrovic dhe Vlahovic, ndërsa në minutën e 44 Breel Embolo dërgoi shifrat në 2-2. Pjesa e dytë nisi mirë për helvetët, teksa Freuler shënoi për 2-3. Avantazhi i Zvicrës erdhi pas një pasimi dhe aksioni model të nisur nga Shaqiri, ndërsa në fund fati ishte me zviceranët që kalojnë në 1/8 dhe përballen me Portugalinë.
Fundi i ndeshjes prodhoi tension mes Granit Xhakës dhe futbollistëve serbë, me arbitrin që ndëshkoi shqiptarin me karton të verdhë, si edhe Milenkovic te serbët.
Pas tre ndeshjeve në grupin G, Brazili kualifikohet si i pari në grup dhe luan në 1/8 me Korenë e Jugut, ndërsa po me gjashtë pikë Zvicra kalon si vendi i dytë dhe përballet me Portugalinë. Kameruni me katër pikë në vendin e tretë i jep lamtumirën eventit, teksa Serbia me një pikë largohet e turpëruar nga ky event.
VIDEO:
Renditja:
Zvicra fitoi 2-3 me Serbinë në grupin G të Kupës së Botës, duke lënë serbët jashtë Botërorit. Helvetët kalojnë në fazën e 1/8 teksa përballen me Portugalinë. Humbja e Serbisë është festuar edhe në rrugët e Tiranës si edhe në zonën e tifozëve në sheshin "Skënderbej".
Momente emocionuese ka dhuruar fitorja për ekipin e Zvicrës, ndërsa shqiptari Granit Xhaka ka bërë një provokim ndaj ekipit të Serbisë. Në fund të ndeshjes, Xhaka ka veshur bluzën e bashkëlojtarit Ardon Jasharit, vetëm sepse kishte mbiemrin Jashari.
Xhaka u përplas gjatë ndeshjes me pesë nga futbollistët e Serbisë.
Prishtina ka nisur festën pasi Zvicra mundi Serbinë në Kupën e Botës duke lënë jashtë kompeticionit serbët. Në Prishtinë ka nisur festa me fishekzjarrë ndërsa qytetarë të shumtë kanë dalë në rrugë duke festuar.
Fundi i ndeshjes mes Serbisë dhe Zvicrës prodhoi tension në fushë. Granit Xhaka u përplas me pesë nga futbollistët e Serbisë, me kapitenin shqiptar të Zvicrës që ka reaguar me guxim ndaj kundërshtarëve. Pas disa momenteve tenison, Xhaka dhe Milenkovic u ndëshkuan me kartona të verdhë.
Përpara ndeshjes Serbi - Zvicër për Kupën e Botës në Katar, tifozët serbë janë konfliktuar me ata shqiptarë. Duket se serbëve i ka rënë në sy flamuri kuqezi dhe ai i Kosvës, duke filluar sherrin në hyrje të stadiumit në Doha. Për fat asnjë përplasje fizike. Shqiptarët janë në mbështetje të Xhakës dhe Shaqirit që luajnë te Zvicra.
Video: Indeksonline
Zvicra po fiton 3-2 me Serbinë në Botërorin e Katarit. Në Doha, organizatorët nuk lejuan që simbolet e Shqipërisë të futeshin në stadium, duke njohur tensionin mes shqiptarëve të Kosovës dhe Serbisë. Megjithëse pa simbole, një fanse shqiptare ka bërë "shqiponjën" para tifozëve serbë, me këta të fundit që janë tërbuar.
66' Serbi 2-3 Zvicër. Ndeshja u ndërpre për disa çaste pas një rasti të diskutueshëm për panallti te Serbia. Arbitri vijoi lojën ndërkohë që gjithë stafi i serbëve u fut në fushë, me arbitrin që nxori kartonin e verdhë për Rajkovic. Vijon loja, me situatën që pas 3-4 minutash është qetësuar.
48' / Serbi 2-3 Zvicër. Pjesa e dytë nis me gol. Në minutën e 48 Freuler kalon në avantazh Zvicrën. Aksion model i nisur nga Shaqiri, me Vargas që asiston për Freuler dhe 2-3. Zvicra rimerr avantazhin.
Serbia dhe Zvicra barazuan 2-2 në pjesën e parë të Kupës së Botës, me ndeshjen që vlen për grupin G. Goli i dytë për serbët u shënuan nga Vlahovic, me sulmuesin e Juventus që festoi duke provokuar kundërshtarët dhe tifozët duke i treguar gjenitalet.
44' / Serbi 2-2 Zvicër. Breel Embolo shënon golin e dytë për Zvicrën. Pas asistit të Uidmer sulmuesi nuk gabon nga pranë duke barazuar për 2-2.
26' / Serbi 1-1 Zvicër. Ballkanasit barazojnë me Mitrovic. Festa e Zvicrës zgjat vetëm gjashtë minuta. Gabim në mesin e fushës së helvetëve, me serbët që përfitojnë dhe gjejnë golin.
35' / Serbi 2-1 Zvicër. Tjetër gafë në mesin e fushës së Zvicrës. Vlahovic përfiton dhe shënon për Serbinë. Ballkanasit përmbysin ndeshjen.
20' / Serbi 0-1 Zvicër. Xherdan Shaqiri kalon në avantazh Zvicrën. Asisti i Sou ishte perfekt për shqiptarin, që i shënon sërish Serbisë.
Komente
A te lumte o cuc shqiptare duket qe te vlon gjaku....burrnesh mes serbeve hahhaha Beast mode
PërgjigjuNe fillim Iran-U.S.A,tani Zvicra-Serbi,e trishte kur politika futet ne mes e shkateron dhe nje loje te rendomte futbolli!
PërgjigjuQeka merzit Vucici i Ramit.
PërgjigjuJa qe kemi ne gjirin tone cimiterra serbe e proserbe
Po dylber ke shum te drejt.
Video e tifozeve serbe ne stadium duke kenduar:Vrit Shqiptaret.Vrit Shqiptaret. FSHF duhet te dergoje urgjentisht ankese ne FIFA ku te kerkoje ndeshkimin e Serbise. https://www.reddit.com/r/soccer/comments/zazu3e/serbias_fans_chanting_kill_kill_kill_albanians/
PërgjigjuZvicra kualifikoher dhe ne bejme feste , kjo eshte te mburresh me topet e dashit se vete te rruajme leshte
PërgjigjuCfare te keqe ka te gezohesh per dy djem te talentuar dhe punetore te shqipes qe jane krenare per rrenjet e tyre? Shaqiri ka lindur ne Gjilan ndersa Xhaka i ka prinderit nga Prishtina. Neverine e ruaj per ata qe rrine 5 vjet ne Greqi edhe bejne sikur kane harruar shqipen. Une per vete kam lindur ne Tirane dhe jetoj ne Gjermani. Femijet po i rris qe te behen luane si keta ne fushat e tyre, jo filozofe kafenesh si puna jote.
Keshtu eshte kur jemi popull pa identitet or teeeejjjj. Ne per vete e pame me dylbi boterorin ndersa shkjajte shkuan aty dhe luftuan deri ne fund.