E ftuar në emisionin “Klinika 24” në Report Tv, me moderatore Doreada Mio, ishte doktoreshë Teuta Haveri, Kirurge Okuliste e cila foli për syrin dhe kujdesin që duhet të tregojmë.
”Është shumë e rëndësishme që të kërkohet një vizitë okulistike tek mjeku për fëmijët, përpara se të fillojë viti shkollor” tha doktoresha në fillim të bisedës, duke shtuar se vizita për fëmijët e vegjël është e rekomandueshme.
Cilat janë sfidat që fshihen pas numrin të syzeve sipas mjekes? Së pari flasim për numrat e syzeve që janë problem kur rriten. Ajo që njihet dhe si “Deficite të refrakskionit”, hipermetropitë sikurse miopia.
”Kemi dhe nevojë për korrigjim me numër cilindrik që gjithashtu është e rëndësishme” tha mjekja. Pas moshës 40 vjeç është dhe presbiopia, apo nevoja për syze leximi, që ka të bëjë me lodhjen e muskulit të syrit.
Po a është më e mira që të përdoret kirurgjia për eliminimin e numrit të syzeve? Sipas mjekes, kirurgjia reflaktive apo e eliminimit të syzeve ka një bum shumë të madh këto vitet e fundit për shkak të përsosjes së aparaturave.
”Zakonisht janë mosha e adoleshencës që duan të bëjnë këtë ndërhyrje, pasi ata kujdesen më shumë për aspektin estetik”, shtoi mjekja në studio, duke theksuar se pas ndërhyrjes duhet patur kujdes ditët e para mos fërkohen sytë, apo higjena.
