I plagosuri Edison Begaj
Mbrëmjen e djeshme në hyrje të banesës së tij Edison Begajt i është bërë një atentat, i cili përfundoi i plagosur në pjesën e këmbëve. 38-vjeçari Begaj nuk është një emër i panjohur për drejtësinë. Ai është i dënuar për drogë më 7 vite e 6 muaj burg në 2010, ndërsa është bërë edhe subjekt i OFL-së në lidhje me pasurinë e tij. Edhe në 2015 Begaj u kap me 50 kg lëndë narkotike të llojit marijuanë "çokollatë", e paketuar, së bashku me 3 të tjerë në vendin e emërtuar "Qafa e Kuzum Babasë". Lënda narkotike u gjet brenda automjetit tip "Jeep" që posedohej nga shtetasi Edison Begaj.
Lajmi kryesor:
I bëjnë pritë në hyrje të banesës në Vlorë, plagoset me 4 plumba në këmbë 38-vjeçari! Subjekt i OFL-së dhe i dënuar më parë për drogë
I.K/ReportTv.al