Nga dita e dielë futbolli botëror ka një yll më pak. Franc Bekenbauer ndërroi jetë në moshën 78-vjeçare duke lënë pas një histori që nuk do zhbëhet kurrë. Një ish-futbollist i cili ka fituar shumë me Gjermaninë dhe Bayernin, por që ka lënë kujtime edhe në Shqipëri ku ka luajtur disa herë. Përballë ka patur futbollistët e kombëtares shqiptare që ka i kanë bërë jo pak përshtypje.
Profesor ti ke luajtur ndaj një futbollisti të madh si Bekenebaur në 1971, si e kujton atë ndeshje?”
“Ikja e Bekenbauer nga kjo jetë ishte një humbje e madhe për futbollin botëror pasi ishte legjendë. Ky futbollist kaq i madh ishte një njeri i cili në rast se do ta shihja në retrospektivë do thoja se ishte shumë i thjeshtë, pasi ne ishim një vend i vogël dhe i izoluar. Nuk vinte kufinj, ishte njësoj si ne. Ishte zor ta kapje këtë njeri të ngërdheshur,”-u shpreh Faruk Sejdini, ish-futbollist i kombëtares.
Faruk Sejdini, i cili ashtu si Becenbauer i përkushtoi karrierën futbollistike vetëm një klubi, tregoi edhe karakterin që dalloi tek legjenda gjermane atë ndeshje të 12 qershorit 1971 kur kuqezinjtë humbën 2-0.
“Ne luanim një futboll të egër. Mbrojtësit luanin ashpër dhe ndonjëherë kur bënin këtë lojë na shihte me habi e thoshte ‘si është e mundur?! Çfarë bëjnë këta kështu?!’ Ishte e pamundur ta shihje atë që të bënte një faull me dashje,”-tha Faruk Sejdini, ish-futbollist i kombëtares.
Pas ndeshjes në Gjermani ishte mbajtur një banket ku sërish Bekenbauer kishte qenë protagonist.
“Ai u çua dhe takoi Panajot Panon, pasi kishte një respekt të jashtëzakonshëm për të. Më pas i dha një dhuratë materiale sportive, me çantë dhe këpucë. Gjëra që i duheshin një futbollisti atëhere,”-tha Faruk Sejdini, ish-futbollist i kombëtares.
Franc Bekenbauer luajti për 13 vite me Bayernin duke fituar 5 trofe europianë, ndërsa me Gjermaninë fitoi një Botëror dhe e udhëhoqi tek një tjetër si trajner. Gjatë karrierës së tij ai gjithashtu fitoi edhe dy topa të artë pavarësisht se luante si mbrojtës.
Komente
Ky do të mbahet mend edhe për pasurim marramendës përmes sportit dhe nga ky brez fillon futbolli të komercializohet
PërgjigjuGjigand, si futbollist dhe si njeri. Eleganca dhe serioziteti ne loje e bente kudo te admirushem.