ITALI - Futbolli elitar italian, Serie A, është në raundin e dytë. Të shtunën mbrëma u zhvilluan katër duele. Bologna fitoi 1-0 kundër Comos, Parma dhe Atalanta u ndanë 1-1, ndërsa Napoli fitoi 1-0 në limite kundër Cagliarit. Tri pikë edhe për Romën, që fitoi 0-1 në Pisa.
Në "Diego Maradona", vendasit e Napolit nuk e patën të lehtë të fitonin kundër Cagliarit. Goli i Anguissas në minutën e 90+5 i dha tri pikë kampionëve në fuqi të Italisë. Miqtë gjatë gjithë ndeshjes u mbrojtën mirë dhe për një moment menduan se do dilnin me pikë nga transferta delikate. Megjithatë, në limite ishte një pasim i Buongiorno që 'zgjoi' Napolin në fund, me Anguissa që realizoi nga një 'penallti në lëvizje'. Festë legjitime nga Antonio Conte dhe stoli i kaltër.
Në 'Arena Garibaldi', vendasit e Pisas nuk mundën të merrnin një pikë përballë tifozëve të tyre, teksa u mposhtën 0-1 nga Roma. Ndeshja ishte me raste, por pjesa e parë u mbyll me rrjeta të paprekura. Duhej minuta e 55-të që të besuarit e Gasperinit të gjenin golin. Pasimi i Ferguson u godit bukur nga Soule, me sferën që fundin e udhës e pati në rrjetë. Në dy javët e para, Roma ka dy fitore për gjashtë pikë dhe këtë sezon duket një ekip sulmues.
Në stadiumin 'Ennio Tardini' vendasit e Parmës barazuan 1-1 kundër Atalantës. Për miqtë titullar luajti Berat Gjimshiti, që ishte ndër lojtarët më të mirë për të tijtë. Megjithëse përballja ishte me raste, dhjetë minutat e fundit ishin vendimtare. Mario Pasalic përfitoi nga pasimi i Krstovic dhe kaloi Atalantën në epërsi. Kur u mendua se bergamaskët do dilnin me tri pikë, u desh goli i Patrick Cutrones që të riktheheshin ekuilibrat. Vetëm pesë minuta kishte Cutrone në fushë, duke rezultuar një zëvendësim i goditur.
Pas këtyre sfidave, Napoli, Cremonese dhe Roma kanë nga gjashtë pikë. Raundi i dytë i Serie A mbyllet pas katër dueleve të sotme.
Serie A, raundi i dytë - 30 gusht 2025:
Bologna 1-0 Como
Parma 1-1 Atalanta
Napoli 1-0 Cagliari
Pisa 0-1 Roma
Renditja:
Në stadiumin 'Ennio Tardini' vendasit e Parmës barazuan 1-1 kundër Atalantës. Për miqtë titullar luajti Berat Gjimshiti, që ishte ndër lojtarët më të mirë për të tijtë. Megjithëse përballja ishte me raste, dhjetë minutat e fundit ishin vendimtare. Mario Pasalic përfitoi nga pasimi i Krstovic dhe kaloi Atalantën në epërsi. Kur u mendua se bergamaskët do dilnin me tri pikë, u desh goli i Patrick Cutrones që të riktheheshin ekuilibrat. Vetëm pesë minuta kishte Cutrone në fushë, duke rezultuar një zëvendësim i goditur.
Në 'Arena Garibaldi', vendasit e Pisas nuk mundën të merrnin një pikë përballë tifozëve të tyre, teksa u mposhtën 0-1 nga Roma. Ndeshja ishte me raste, por pjesa e parë u mbyll me rrjeta të paprekura. Duhej minuta e 55-të që të besuarit e Gasperinit të gjenin golin. Pasimi i Ferguson u godit bukur nga Soule, me sferën që fundin e udhës e pati në rrjetë. Në dy javët e para, Roma ka dy fitore për gjashtë pikë dhe këtë sezon duket një ekip sulmues.
Në "Diego Maradona", vendasit e Napolit nuk e patën të lehtë të fitonin kundër Cagliarit. Goli i Anguissas në minutën e 90+5 i dha tri pikë kampionëve në fuqi të Italisë. Miqtë gjatë gjithë ndeshjes u mbrojtën mirë dhe për një moment menduan se do dilnin me pikë nga transferta delikate. Megjithatë, në limite ishte një pasim i Buongiorno që 'zgjoi' Napolin në fund, me Anguissa që realizoi nga një 'penallti në lëvizje'. Festë legjitime nga Antonio Conte dhe stoli i kaltër.
Komente
