TIRANË- 288 kandidatë iu nënshtruan procesit të primareve në PD, të shtunën e 1 marsit, për të zgjedhur me votë mes tyre kandidatët potencialë për deputetë në zgjedhjet e 11 majit. Numërimi ka përfunduar në të 12-qarqet, ndërsa vetëm në Qarkun e Tiranës u vonua publikimi i rezultateve, ku siç pretendon PD kanë votuar vetëm 13,052 anëtarë. Report Tv ka siguruar renditjet e kandidatëve për çdo qark, por vetëm për Tiranën shifrat u mbajtën diskrete deri sot në mbrëmje edhe pse numërimi ishte mbyllur.
PD pretendoi në një deklaratë se ka pasur probleme me dy kuti votimi në Tiranë dhe një në Vorë.
Në Tiranë, më i votuari ka dalë ish-kreu i degës së Kavajës, Hysen Kadiu me 913 vota, i ndjekur nga Klevis Balliu me 736 vota,Grigels Muçollari me 666 vota, deputetja Jorida Tabaku me 651 vota apo mjeku Ilir Alimehmeti me 603 vota. Pragu i kalimit për qarkun e Tiranës është 144 vota.
PD tha se në garën e primareve kanë marrë pjesë 50.854 votues. Qarqet me numrin më të lartë të votuesve rezultojnë Tirana, Durrësi dhe Korça.
Berisha 'shpërbleu' besnikët e tij, pasi nga rezultatet në shumicën e qarqeve, me të votuarit rezultuan deputetë aktualë të rreshtuar krah tij, ose kryetare degësh të zgjedhur prej votimeve të Rithemelimit. Ndërsa zëdhënësja e Berishës, Floriana Garo nuk arriti të merrte mbështetjen e bazës pasi siguroi vetëm 32 vota, duke humbur shansin për të hyrë në listën e PD-së për një vend në Parlamentin.
Në Durrës i pari renditet Igli Cara me 622 vota, ndjekur nga Manjola Luku me 424 vota, ndërsa pragun e ka kaluar edhe ish-prokurori Arben Ndoja. Në qarkun Berat, kandidati që ka siguruar më shumë mbështetje është Zija Ismaili me 1091 vota, Ledion Marra me 306 vota, ndërsa në Dibër më të votuarit janë Ilir Krosi me Denisa Vatën.
Më e votuara për qarkun e Vlorës rezulton deputetja Ina Zhupa ndërsa i dyti Atird Hoxha. Deputeti Dashnor Sula në Elbasan ka fituar 538 vota, ndjekur nga Blendi Himçi me 510 të tilla. Eduart Sharka dhe deputeti Luan Baçi rezultojnë më të votuarit në Fier, ndërsa në primaret e Gjirokastrës më e votuara ka qenë Alma Kore, pas saj renditet Mareklent Dervishi me 368 vota, ndërsa në vendin e tretë është Arben Ristani.
Të parët në Korçë janë renditur deputetët Bledion Nallbati dhe Edmond Spaho. Fitues i primareve në Kukës u shpall mjeku Hasjan Shkëlzen Ibra, ndërsa në Lezhë Gjin Gjoni me 674 vota. Ish-kryebashkiaku Bardh Spahia është më i votuari në Shkodër, pas tij Ndoc Ashta e Arben Lushaj.
E zhëgnjyer nga procesi ka qënë Adriana Kalaja, e cila përmes një postimi në Facebook, i cilësoi fituesit si tradhëtarë. Kandiatët fitues të primareve nuk do të jenë automatikisht në listën e Partisë Demokratike për zgjedhjet e 11 majit, ata do t’i nënshtrohen filtrit të kryesisë e cila do të miratojë listën perfundimtare.
Pjesëmarrja sipas PD
Më poshtë mund të lexoni rezultatet e Primareve të PD sipas qarqeve të caktuara.
Pas një orvatje dhe zvarritjeje të gjatë, Partia Demokratike më në fund ka publikuar edhe listën e votave për Primaret e Qarkut të Tiranës.
Surpriza ka qenë emri që kryeson këtë listë me vota, Hysen Kadiu, me 913, që ndiqet nga ish-deputeti Klevis Balliu, që pretendon një tjetër karrige në Parlament pas mungesës së gjatë.
Hijet e dyshimit rriten me faktin se një prej kandidatëve, Alqi Xhafa, ka marrë zero vota (0), duke mos votuar as për veten e tij!
Ndjekin më pas këshilltari në PD, Grigels Muçollari me 666 vota, deputetja Jorida Tabaku me 651, Ilir Alimehmeti me 603, ish-kryepolici Arjan Hoxha me 521, ap Ervin Minarolli me 508.
Por bien në sy edhe emra të njohur me një numër jo të mirë votash sipas pritshmërive, teksa Myslim Murrizi ishte i pari që pati pretendime për manipulime të dyshuara, duke kërkuar ripërsëritjen në Paskuqan dhe Vorë. Ai renditet në listë me 400 vota.
Mes emrave që nuk kanë dalë mirë janë deputeti Asllan Dogjani me 179 vota, Orjela Nebiaj me 47 vota, Dorjan Teliti me 117, Adriana Kalaja me 153, e cila gjithashtu ka akuzuar Berishën duke pasur pretendime, Edit Harxhi me 146, Aleksandër Biberaj me 48, apo dhe deputetja Dhurata Çupi me 354.
Bie në sy edhe prezenca e emrit të Andi Mustafaj, djalit të ish-deputetit dhe ministrit të PD, Besnik Mustafaj, me 414 vota apo Salvador Kaçaj, ish-kryekomunari i Shëngjinit, me 256 vota.
Pragu i votave për Tiranën është 144 vota dhe e kalojnë 26 kandidatët e parë të renditur në listën më poshtë.
Sipas të dhënave zyrtare të KOKOE në PD, në këtë proces morën pjesë 13.052 anëtarë të PD nga Tirana, ndërsa në rang kombëtar votuan gjithsej 50,854 anëtarë. Por shifrat mbeten gjithmon% të dyshimta, pasi ka munguar transparenca e listave të anëtarëve.
Foto: Dashnor Sula
Në Elbasan kryeson Dashnor Sula me 550 vota, ndjekur nga Blendi Himçi me 510 vota dhe Ilirjan Alliu me 510 vota. I shtati renditet deputeti Lefter Gështenja.
Rezultatet e primareve në qarkun e Elbasanit
PD ende nuk ka publikuar rezultatet e primareve për qarkun e Tiranës, por jo -zyrtarisht kemi mësuar se Jorida Tabaku dhe Ilir Alimehmeti janë ndër më të votuarit. Më i votuari është Hysen Kadiu ish-kreu i degës së Kavajës, i cili eka bërë me dije edhe përmes një postimi në Facebook. Mes emrave më të votuar mësohet se është edhe Grigels Muçollari edhe Klevis Balliu.
"Të nderuar demokratë të Qarkut të Tiranës, Ju falënderoj për mbështetjen dhe besimin që treguat në këto primare. Vota juaj më nxori të parin me rezultatin më të lartë, në këtë qark dhe për këtë jam thellësisht mirënjohës.
Një falënderim i veçantë shkon për Kavajën, që dha një mesazh të qartë me pjesëmarrjen e saj të lartë në këto primare dhe mbështetjen e fortë e të palëkundur për PD dhe kryetarin Sali Berisha. Angazhimi juaj është forca ime për të vazhduar këtë rrugëtim me vendosmëri dhe përkushtim. Ky është vetëm fillimi i një sfide të madhe. Së bashku do të ndërtojmë një të ardhme më të mirë për Partinë Demokratike dhe Shqipërinë! Faleminderit nga zemra", shkruan Kadiu.
Procesi i numërimit ka zgjatur deri rreth orës 9 te mëngjesit te sotëm, ndërsa aktualisht është bere një pauze për tu rikthyer pas mesditës për të mbledhur votat e secilit kandidat për 20 kutitë e qarkut dhe për t’i hedhur në proces verbal.
Foto: Ramadan Likaj
Numërimi për procesin e Primareve të PD ka përfunduar edhe në qarkun e Shkodrës. Deputeti Ramadan Likaj ka marrë 460 vota, për t’u ndjekur më pas nga Gentjan Ndoj ndërsa në vend të tretë renditet ish-kryebashkiaku i Shkodrës Bardh Spahia.
Publikohen rezultatet e Primareve të PD në qarkun e Vlorës. Në total në këtë qark ishin 2584 votues. Sipas rezultateve, deputetja Ina Zhupa është më e votuara me 765 vota, e ndjekur nga Atird Hoxha me 488 vota e Manjola Nikollo 402 vota. Ndërsa, gjenerali Pirro Ahmetaj ka marrë vetëm 46 vota, Skerdjan Dhuli 47 vota.
Kliko këtu për të lexuar rezultatet
Eduart Sharka
Primaret në Qarkun Fier janë mbyllur, duke përcaktuar renditjen e kandidatëve që garuan për mbështetjen e anëtarësisë.
Ish-kandidati për Bashkinë e Lushnjës, njëherazi edhe kreu i PD në Lushnjë, Eduart Sharka ka dalë më i votuari duke siguruar numrin më të lartë të votave, 795. Ai ndiqet nga deputeti Luan Baçi me 677 vota.
Në vend të tretë renditet Elizabeta Rredhi me 492 vota, duke u bërë kështu femra më e votuar nga demokratët e Qarkut Fier, në procesin e primareve.
I katërti rezulton deputeti Saimir Korreshi me 477 vota. Pragun e kanë kaluar vetëm 8 kandidatët e parë në listë.
Tomorr Alizoti dhe Zija Ismaili
Në primaret e zhvilluara në qarkun Berat, ka rezultuar se më i votuari është ish-kandidati për kryetar Bashkie të Beratit, është Zija Ismaili, i cili ka siguruar 1091 vota.
Pas Ismailit, është renditur Ledion Marra me 306 vota, ndërsa Erion Dasho ka marrë 238 vota, duke u pozicionuar i treti.
Thoma Rumniçi ka marrë 128 vota, Shaqo Merkaj 102 vota dhe Fatmira Kola 66 vota.
Përfundon numërimi për primaret e PD në qarkun e Kukësit. Kandidati më i votuar shpallet mjeku hasjan Shkëlzen Ibra me 707 vota, i dyti e ndjek Shkëlqim Shehu me 430 vota, deputeti aktual Isuf Çelaj ka marrë 410 vota duke zënë vendin e tretë në primaret e mbajtura në degët Kukës, Has e Tropojë.
Xhemal Gjunkshi
Ka përfunduar numërimi i votave për Primaret e PD edhe në qarkun e Dibrës. Listën e kryeson Ilir Krosi, ish-kryebashkiaku i Dibrës me 578 vota. Në qarkun e Dibrës kandidoi edhe ish-gjenerali Xhemal Gjunkshi, i cili dorëzoi ish-klubin Partizani tek Jamarbër Mallltezi. Gjunkshi mori 118 vota duke u renditur i gjashti, ndërsa deputeti Çollaku ka marrë 68 vota.
Igli Cara dhe Floriana Garo
Numërimi për procesin e Primareve të PD ka përfunduar edhe në qarkun e Durrësit. Ish-kandidati për kryetar Bashkie, Igli Cara rezulton më i votuari në rang qarku me 622 vota, i ndjekur nga Manjola Luku me 424 vota. Ndërkohë, zëdhënësja e Berishës, Floriana Garo ka marrë vetëm 32 vota.
Gjin Gjoni
Mbyllet numërimi i votave për procesin e Primareve në qarkun e Lezhës. Ish-gjyqtari sheik Gjin Gjoni ka fituar në rang qarku me 674 vota, i ndjekur nga ish-kreu i PD në Mirditë, Aleksandër Lala me 438 vota dhe deputetja Elda Hoti me 394 vota. Më poshtë mund të shihni votimin dhe renditjen për qarkun e Lezhës.
Deputeti demokrat Bledion Nallbati ka rezultuar më i votuari në qarkun e Korçës, me 1219. Nallbati ndiqet nga Spaho me 691 vota. Më poshtë rezultatet në nivel qarku.
Pěrfundon numërimi i votave në Primaret e Qarkut Gjirokastër. E para kryesin Alma Buci Kore me 399 vota, ndërkohë që Arben Ristani ka dalë i treti me 317 vota.
Komente
Sa shume shpellarë që përkrahin një komunist NON GRATA ka ky vend....SALI ENVER JEMI GATI KURDOHER....
PërgjigjuPash zotin,si merreni me zgjedhjet ne Pd?Dje si gjithmone,manipulimi filloi qe ne sabah.Kelliçi junior me t'fortet e partise doli me kuti me vete ne Tiron,te rrafshume me flete votimi.Shihni kush ka fitu shume gjoja,te gjithe ketyne,do i hudhi nje sy doktorri.N.q.s. na mungo ndonje ligj ne si shtetet,duhet me bo ligj qe ne Pd te mos behen zgjedhje kurre.Aty behet "masaker",e kane gjenetike,ja ka lon dum baba trashegim.
PërgjigjuTe gjithe injorantet dhe te korruptuarit paskan fituar.Urime!
PërgjigjuNë Berat fitoi më i miri. Zija Ismaili, 35 vite në shërbim të komunitetit pa marrë asnjë privilegj