SHBA - PSG dhe Bayern Munich kanë siguruar një biletë për në çerekfinalet e Kupës së Botës për Klube, ku do të ndeshen së bashku. PSG fitoi pa problem 4-0 kundër Inter Miamit në 1/8 e turneut, me amerikanët që kishin Messin në fushë, ndërsa bavarezët nuk e patën të vështirë duke mposhtur 2-4 brazilianët e Flamengos.
Në "Mercedes-Benz Stadium" të Atlantas me mbi 65 mijë tifozë në stadium, PSG fitoi 4-0 kundër Inter Miamit në 1/8 e Kupës së Botës për Klube. Edhe pse për amerikanët Lionel Messi luajti 90 minuta, kampionët e Evropës nuk e patën të vështirë të shënonin katër gola që në pjesën e parë. Joao Neves shënoi dy gola të shpejtë në minutat 6 dhe 39-të, para se Alives të gjente autogolin. Në fundin e pjesës së parë Hakimi shënoi edhe golin e katërt për PSG-në. Tanimë djemtë e Luis Enriques luajnë kundër Bayern Munich në çerekfinale.
Në "Hard Rock Stadium" në Miami, Bayern Munich shënoi katër herë duke mposhtur 2-4 brazilianët e Flamengos. Edhe pse amerikano-jugorët treguan në këtë event cilësi dhe grintë, gjermanët nuk i lanë asgjë rastësisë dhe siguruan biletën që në turin çerekfinal i vendos përballë PSG-së. Në minutën e gjashtë ishte Erick Pulgar që shënoi në portën e tij duke i dhënë epërsinë bavarezëve. Më pas Harry Kane në minutën e nëntë shënoi golin e dytë për gjermanët, para se Gerson të shkurtonte shifrat në 1-2. Fundi i pjesës së parë solli edhe golin e tretë për Bayern, me Goretzka që i dërgoi skuadrat në dhomat e zhveshjes me rezultatin 1-3. Fillimi i pjesës së dytë solli golin e radhës, me Jorginho nga penalltia që shkurtoi për 2-4. Në minutën e 73-të Harry Kane "vulosi" ndeshjen me golin e dytë personal të të katërtin për Bayern Munich.
Kupa e Botës për Klube, faza 1/8.
Të luajtura deri tani:
Palmeiras 1-0 Botafogo (pas 120 minutave)
Benfica 1-4 Chelsea
PSG 4-0 Inter Miami
Flamengo 2-4 Bayern Munich
Çiftet çerekfinale deri tani:
Palmeiras - Chelsea
PSG - Bayern Munich
Pas humbjes së thellë 4-0 ndaj Paris Saint Germain në raundin e 1/8 të Kupës së Botës për Klube, trajneri i Inter Miamit, Javier Mascherano, pranoi epërsinë e kundërshtarit, por theksoi krenarinë për paraqitjen dhe përkushtimin e skuadrës së tij.
Në konferencën për shtyp pas ndeshjes, tekniku 41-vjeçar argjentinas tha: “Diferenca midis dy ekipeve ishte qartë e dukshme, por unë jam shumë krenar për lojtarët e mi dhe për të gjithë punën që bënë gjatë turneut”.
Ai shtoi se, pavarësisht disavantazhit të madh, Inter Miami u përpoq të qëndronte në lojë: “Pavarësisht hendekut, ne u përpoqëm të luanim, por sot hendeku ishte qartësisht shumë i madh”.
Mascherano nuk e fshehu dwshpwrimin për mënyrën si nisi ndeshja: “Pjesa e parë ishte një ortek, doja të isha në fushë me lojtarët e mi. Në të dytën, ata ngadalësuan ritmin dhe na lejuan të luanim pak më shumë siç bëjmë në MLS”.
Inter Miami tashmë i mbyll angazhimet në këtë turne ndërkombëtar, ndërsa PSG vazhdon rrugëtimin drejt trofeut, duke gjetur në çerekfinale Bayern Munich.
Paris Saint Germain vazhdon marshimin në Kupën e Botës për Klube, duke siguruar kualifikimin në çerekfinale pas fitores 4-0 ndaj Inter Miamit të Lionel Messit dhe Luis Suarezit.
Në një paraqitje brenda nivelit të pritur, skuadra franceze dominoi takimin që në minutat e para, duke vulosur fitoren që në pjesën e parë. Pas ndeshjes, trajneri Luis Enrique u shfaq shumë i kënaqur me atë që pa nga skuadra e tij.
“Mendoj se e nisëm ndeshjen pothuajse në mënyrë perfekte, krijuam shumë raste. Ishim të shkëlqyer në pjesën e parë”, deklaroi spanjolli për mikrofonat e DAZN. “Në pjesën e dytë, kishim më pak energji, ishte ndryshe. Por jam i lumtur. Jam i kënaqur me të gjithë lojtarët, mentalitetin e tyre, qëndrimin e tyre”.
Fitorja e PSG-së ndaj një rivali me emra të mëdhenj si Messi e Suarez tregon se kampionët e Evropës janë gati për të luftuar për trofeun në këtë turne ndërkombëtar. Në çerekfinale PSG luan kundër Bayern Munich.
Në "Hard Rock Stadium" në Miami, Bayern Munich shënoi katër herë duke mposhtur 2-4 brazilianët e Flamengos. Edhe pse amerikano-jugorët treguan në këtë event cilësi dhe grintë, gjermanët nuk i lanë asgjë rastësisë dhe siguruan biletën që në turin çerekfinal i vendos përballë PSG-së. Në minutën e gjashtë ishte Erick Pulgar që shënoi në portën e tij duke i dhënë epërsinë bavarezëve. Më pas Harry Kane në minutën e nëntë shënoi golin e dytë për gjermanët, para se Gerson të shkurtonte shifrat në 1-2. Fundi i pjesës së parë solli edhe golin e tretë për Bayern, me Goretzka që i dërgoi skuadrat në dhomat e zhveshjes me rezultatin 1-3. Fillimi i pjesës së dytë solli golin e radhës, me Jorginho nga penalltia që shkurtoi për 2-4. Në minutën e 73-të Harry Kane "vulosi" ndeshjen me golin e dytë personal të të katërtin për Bayern Munich.
Në "Mercedes-Benz Stadium" të Atlantas me mbi 65 mijë tifozë në stadium, PSG fitoi 4-0 kundër Inter Miamit në 1/8 e Kupës së Botës për Klube. Edhe pse për amerikanët Lionel Messi luajti 90 minuta, kampionët e Evropës nuk e patën të vështirë të shënonin katër gola që në pjesën e parë. Joao Neves shënoi dy gola të shpejtë në minutat 6 dhe 39-të, para se Alives të gjente autogolin. Në fundin e pjesës së parë Hakimi shënoi edhe golin e katërt për PSG-në. Tanimë djemtë e Luis Enriques luajnë kundër Bayern Munich në çerekfinale.
Komente
