Reshjet e shiut që përfshinë vendin gjatë ditëve të fundit kanë sjellë dëmtime në shumë rrugë të vendit. Rruga Rrëshen-Bukmirë e cila u ndërtua në vitin 2017 është dëmtuar.
Aksi rrugor ka pësuar shkarje si dhe rrëshqitje dherash. Kjo situatë ka krijuar vështirësi në lëvizje në këtë rrugë e cila lidh disa fshatra të zonës.
Ndërkohë mëngjesin e sotëm ka nisur puna për zhbllokimin e aksit Krujë-Qafshtamë, e cila prej dy ditësh ka qenë e bllokuar për shkak të një masivi shkëmbor.
Fillimisht ishte parashikuar që ky shkëmb të shpërthehej me eksploziv, por më pas u vendos që shkëmbi të shkatërrohej me eskavator.
Edhe dje u tentua që shkëmbi të hiqej nga rruga, por eskavatori ishte shumë i vogël dhe rruga nuk u arrit të hapej. Report Tv sjell pamjet nga vendi i ngjarjes.
Disa zona në Lezhë janë bllokuar pasi ka pasur rrëshqitje dherash si pasojë e reshjeve të dendura të shiut gjatë ditëve të fundit.
Banorët e njësisë administrative Ungrejt kanë ndërhyrë vetë gjatë ditës se sotme dhe kanë bërë të kalueshme rrugën që lidh 9 fshatrat e kësaj zone me Kallmetin.
Reshjet e dendura të shiut bënë që rruga të pësojë shembje në një gjatësi prej 100 metrash pranë zonës së Kreshtës, duke e izoluar këtë zonë që prej ditës së shtunë.
Reshjet e shiut që përfshinë vendin kanë sjellë dëmtime në shumë rrugë në disa qarqe. Rruga Rrëshen-Bukmirë e cila u ndërtua në vitin 2017 është dëmtuar.
Aksi rrugor ka pësuar shkarje si dhe rrëshqitje dherash. Kjo situatë ka krijuar vështirësi në lëvizje në këtë rrugë e cila lidh disa fshatra të zonës. Të porekura nga përmbytjet kanë qenë disa zona në vend.
Edhe pse intensiteti i reshjeve të shiut ka rënë, situata me përmbytjet në zonën e Shkodrës paraqitet e njëjtë.
Qindra hektarë tokë ndodhen nën 'pushtetin' e ujit ku janë dëmtuar të mbjellat. Bashkia e Shkodrës njofton se në zonën e Obotit, Muriqanit dhe Oblikës aktualisht janë 960 hektarë tokë të përmbytura.
Në zonën e Dajçit janë 820 hektarë tokë të përmbytura ndërsa 130 hektarë janë të përmbytura në zonat e tjera.
Report Tv ka sjellë disa pamje të regjistruara me dron në zonat e përmbytura në Shkodër. Duket qartazi që të mbjellat në zonën e obotit janë të 'pushtuara' nga uji.
Për familjet në nevojë ka ardhur në ndihmë Bashkia e Shkodrës e cila njofton se ka shpërndarë disa pako ushqimore ndërsa janë gati dhe 300 pako të tjera të magazinuara tek ndërtesa e konviktit Shkolla Industriale 'Arben Broci'.
