Presidenti i zgjedhur Donald Trump mbërriti këtë të mërkurë (13 Nëntor 2024) në Shtëpinë e Bardhë, ku u prit nga presidenti në detyrë Joe Biden.
Takimi i parë paszgjedhor mes tyre përcolli një atmosferë të ngrohtë, ku Biden uroi Trump për fitoren. Pas një shtrëngimi duarsh, republikani u mundua të zbehë retorikën e egër mes tyre gjatë fushatës presidenciale, duke thënë se "politika është e egër".
Trump mbërriti në Washington DC me avionin e tij privat luksoz, duke u nisur më pas drejtë Zyrës Ovale i shoqëruar nga një autokolonë e gjatë me agjentë të sigurisë.
Presidenti në detyrë Biden e priti atë për një takim informal në zyrën ovale, një traditë qindra vjeçarë që simbolizon tranzicionin demokratik dhe të paqtë të pushtetit nga administrata e njërit president tek ajo pasuesja.
Hera e parë kur Trump u bë pjesë e këtij rituali, ishte viti 2016 kur ai fitoi zgjedhjet dhe presidenti i kohës Barak Obama e ftoi në zyrën ovale përpara inaugurimit. Por katër vite më vonë Trump në detyrën e presidentit, nuk bëri të njëjtën gjë me Joe Biden të cilin e akuzoi së bashku me demokratët se manipuluan procesin zgjedhor. Kjo ishte hera e parë që tradita prishej në 155 vite.
Donald Trump dhe Joe Biden në Shtëpinë e Bardhë, 13 Nëntor 2024
Takimi mes Joe Biden dhe Donald Trump në Shtëpinë e Bardhë ka përfunduar pas dy orësh bisedime me dyer të mbyllura.
Trump e cilësoi takimin me presidentin aktual të SHBA-së, Joe Biden, si “të qenësishëm”. Ndërsa Biden përsëriti se do të sigurojë një tranzicion të rregullt.
Gjithashtu, Këshilltari për Sigurinë Kombëtare, Jake Sullivan, tha se “Biden i tha Trumpit se mbështetja e Ukrainës është në interesin tonë kombëtar”.
Melania Trump dhe Jill Biden
Zonja e parë Jill Biden iu bashkua Presidentit Joe Biden në pritjen e Presidentit të zgjedhur Donald Trump në Shtëpinë e Bardhë, këtë të mërkurë (13 Nëntor 2024).
Ditë më parë, Jill Biden i bëri një ftesë ish-zonjës së parë Melania Trump për takimin tradicional, por Melania Trump e refuzoi atë, duke mos qenë sot përkrah Trump në Shtëpinë e Bardhë.
Burime brenda Shtëpisë së Bardhë, bëjnë me dije për mediat amerikane se Jill Biden i dha zotit Trump një letër urimi me shkrim dore për zonjën Trump, e cila shprehte gjithashtu gatishmërinë e ekipit të saj për të ndihmuar në tranzicionin".
Donald Trump dhe Joe Biden në Shtëpinë e Bardhë, 13 Nëntor 2024
Presidenti në detyrë Joe Biden priti këtë të mërkurë në Shtëpinë e Bardhë presidentin e zgjedhur Donald Trump. Në takimin e tyre të parë paszgjedhor, Biden garantoi sërish Trump për një tranzicion të qetë të pushtetit.
“Epo, zoti President i zgjedhur, ish-presidenti Donald, urime:,- tha presidenti demokrat. Më pas të dy liderët shtrënguan duart.
Trump u përgjigj: “Politika është e ashpër dhe, në shumë raste, nuk është një botë shumë e bukur, por është një botë e bukur sot".
"Unë e vlerësoj shumë një tranzicion që është kaq i qetë, do të jetë aq i qetë sa mund të bëhet", shtoi ai.
Presidenti amerikan në detyrë Joe Biden ka pritur në Shtëpinë e Bardhë presidentin e zgjedhur Donald Trump.
Komente
Biden nje diplomat dhe politikan ekselent
Përgjigju