VLORE - Një grabitje ka ndodhur mbrëmjen e kësaj të diele në qytetin e Vlorës. Ngjarja ka ndodhur rreth orës 21:50 në lagjen "Bashkimi" ose siç njihet ndryshe "Çole" të qytetit bregdetar, ku pre e grabitjes ka rënë pronari i një pike Exchange.
Kambisti sapo ka dalë nga dyqani, së bashku me djalin e vogël i është drejtuar makinës së tij, teksa në këtë moment ndërsa persona ende të paidentifikuar i janë afruar duke e kërcënuar dhe goditur me sende të forta.
Autorët kanë arritur t'i marrin çantën që mbante në sup, aty ku kishte edhe shumën e lekëve, që kishte marrë nga subjekti. Autorët pasi e kanë goditur, janë larguar duke përfituar nga errësira, ndërsa kambisti është vënë në ndjekje të tyre, teksa ka lajmëruar edhe policinë për ngjarjen.
Në kërkim janë vënë edhe blutë e Vlorës, ndërsa nuk dihet shuma që kanë arritur të grabisin autorët apo identiteti i tyre.
Komente
