Në afërsi të fshatit Xhyherinë në Vlorë, reshjet e dendura të shiut kanë shkaktuar çarjen e kanalit të ujërave të larta, duke rrezikuar përmbytjen e dy banesave dhe një subjekti pularie.
Gazetari i Report Tv, Armand Xhelili, informon se në vendin e ngjarjes ndodhen shërbimet e policisë dhe ato të zjarrfikëses, ndërsa emergjencat civile kanë dërguar një mjet fadromë për të frenuar përhapjen e ujit.
Autoritetet njoftojnë se për të shmangur përmbytjen, është i domosdoshëm përdorimi i një mjeti skrep për pastrimin e inerteve që kanë bllokuar kanalin. Situata vijon të jetë nën monitorim nga autoritetet.
Lajmi kryesor:
Stuhia ‘godet’ vendin, përmbyten rrugë e thyhen pemë! 23 të lënduar në Tiranë, çahet kanali i ujërave të larta në Vlorë, rrezikohen banesat! Vonohen fluturimet në Rinas (VIDEO)
A.Q/I.M/ReportTv.al
